Sayay onor singa sikatoy sankasinggeran ya agawa. Makakaiban mamaelet ed sayan pananisia toy kagkapangawat ton telegrama, tan say songlar nen Simoun a nanlapod gapó ya patambal ed doktor ed kapital na lúyag. Anganggad inabuloyan ton onsingger a manambal ed sikato si Don Tiburcio ya mapatpatnag ni nimet ya no nayari ngalngalin agto komon piyaen. No onia, kukuan nen pári Florentinod kalakal ton. díli, anto kasi manepeg a gaween to no onsabi Guardia Civil a mangerel ed Simoun? Say itsura nen agmakayari agto nayariay galawen, lalon agto nayariay manbaroy na arawi..... Balet ta say kuay telegrama, mabilay may inatey.....
Tinmondan manotugtog si pári Florentino tan sinmingger ed dorongawan a sankanengneng to may dayat. Samay danum a maawang tan malinis ya anggapoy anggan sakey a sakayan ono mogmon láyag a nanengneng ed tapew to, anggapoy nipanunot tod sikaton bengat lan pakatulong. Pati samay meJag a pólo ya nabantag ed arawrawi ya begtebegtew, anganggad ibábaga toy kabukoran to ya lalon napapabelat toy inkabukbukor da ran man a pasen. No maminsan, say maawang ya andi anggan makaekal na ilaloy inkaemel to ya singa anggapoy kasisibeg ton balot.
Tetebeken nen masiken so maerermen tan singa makababalaw ya imis nen Simoun nen nangelan ton erelen da. Anto kasi talus ton man ya imis? Tan say inimis to lamet a lalo nin maerermen tan makababalaw nen akabatan ton alagaren dan yakar dimay a las ochoy lábi ey? Anto kasi ibábaga ton man a misterio? Akin kasi et ag labay nen Simoun so onamot?
Sinmebang ed nunot to may nibantog a diskurso nen San Juan Crisostomo nen ilalaban ton yaagel si eunuco¹ ya Eutropio: "Anggapo lay mas makalat nen sayan bekta ya pangibagay: Pasirayew na ganaganay sankapasiráyewan, tan amin iray pasirayew!"
On, saman a Simoun ya ontan lay kayamanan to, pakayari to tan takut na amin a tood sikato ed aganggano ni ran simban linmabas, natan lalo nin masegsegang nen si Eutropio ya manaanap kalamor na nasimpenan to tan mangaklolod sikato ya aliwan diad saray altar na sakey a simbaan no ag diad sanka-
____________________
1 Nen inmons ran panaon, saray "slaves" ya onkanan manbabantay ed saray bibii ed palasio, saray reina ono princesa bilang, kakaponen iran aminpinsan, ya sikarayay totawagey "eunuco."
