so ontan lan karakel na totoon maptek a panagnunot tan masuri, tan panliliketan ton ag onggalaw a banbantayay kakairapan
da ey?"
"Saray totoon maptek a panagnunot tan masuri nakaukolan a manirap ira ta pian saray kaisipan da et nakabatan ira tan ombuyak ira! Nakaukolan a tenyegen ono betagey botilya ta pian naibong so balingit, nakaukolan a pantankiyay bato ta pian ompaway so apuy! Nanengneng so limay Dios ed panagpaunong day mangaruksan manouley, sinyor Simoun!"
"Amtak man," kuanen agmakayarin makalkalna, "kanian sosugsugan ko ay manouley a manduksa....."
"On, pinablik a kaaro, balet mas dakdakel ni nanaibong ya onkakayat a marutak a danum nen anggan anton arum! Sosungloran yon pagaganocy kadederal na togiop day totoo ya anggapon balot so ipapasek yon maong a kaisipan. Diad satan ya isasaboy mauges iran gawa anganggad naalagar ya onsabi so alablabas a kalungit tan kasingla, tan no bilang walay onsulming ed labin nabangonay kabuasan, anganggad oong a magangganon nabigis, ta bukbukor na oong so ontubod dutak. Tua ta saray mauges a gaway Uley ompoliktar irad sikato ya makasengeg na leregan to, balet ta lanoren da met ya ipaldeg so togiop day totoon diad utel day binolaslasan da. No say Uley et marutak, naderal met iray totoo, no say Uley et anggapoy konsiensia to, saray totoo ed mapalaway iran pasen manmaliw iran maagom tan tutulisan tan mamatakew no walarad kapa landeyan! No panoy ámo, ontan met so aripen. No panoy Uley, ontan met so Bansá.".
"No ontan sirin antoy gaween ey?" kuay bosis nen agma kavari.
"Mantepel tan mankimey!"
"Mantepel.... mankimey....!" kuanen agmakayarin ino man ed tanol na bosis ya ampaipait; "ah! mainomay itan ya ibaga no say too et ag maniirap....no say kimey et walay naalagar ton tumang!....No say Dios yo et kaukolanen tod tooy ontan lan belat na bágat, diad too ya anggapoy kaligenay panbibilay tod onkukurang ya agew, tan anggapoy ilalo tod arapen; no anengneng yo komoy naimantanon ko, masegsegang iran andipalar a manliliknay agla amtan panagdusa nisesengeg ed kasalanan iran agda ginawa. impanpápatey a pana-
