don kansion to ed kisisikdak tod saramay mapareng ya atatágey
a bató. Say bulan, ya anggapo lay katagam ton agew, mareereen a bukor na sinag to lay manisindag ed katawenan, tan
saray kakiyewan ed takel diad katetewek day sanga ran ngalngali ran mandadapigasan, singa ra manoupitan a manbabagaay
tagtagaumen dala ran daan ed pancesaesan dan agnatalusan ya
itatarok ya itetekiab na dagem.
Manlapod sankanengneng toy agmakayarin ag oneseesel, si pári Florentino, inkuan ton makalkalna ya singa to ibebesngaw so kanunotan ya manaarid kaisipan to:
"Iner so kawalaan day tubonbálo ya mangitalagay kalangueran da, saray marakep a pilalek da tan say layap na linawa ed kaabigay Dálin dan nianakan! Iner so kawalaan day tubonbalo ya mangibong a napnek na panangasi na dalá ra ya panguras na ontan lan karakel na kababaingan, kasalanan tan karumsisan? Nakaukolan a maadia tan andi tilol so italagan pateyen ta piano say bágat et napakaná..... Iner so kawalaan yo, sikayon tubonbalo ya mangikawes na petang tan biskeg na bilay ya apaandi mi iad saray ulat mi, say kaadiaan day kanunotan ya ataldengan la rad kaisipan mi tan say petang na layap na linawa ya nagtelan la rad kapusoan mi?. . . . Aalagden mi kayo. Oh tubonbalo, dagó kayo ta manaalagar kami!"
Tan manlapod alikas to ray luan sinmalmay ed matá to, inoyos toy lima tod lima nen agmakayari, inmalagey tan sinmingger ed dorongawan ya manamayod samay maawang a dayat. Atalibagad panmomurekdek to ed nangel ton aminpigan makalkalna ran patok dimad pinto. Saman manayay igaganggan to ya anepet no manelsel lay silew.
Nen pinawil nen párin sininggeray agmakayari tan anengneng tod silew ton may lamparaan ya ag onggalagalaw, likdem iray matá to, samay liman impamirit toy lima ton díli et akabuskag tan akaonat dimad gilig na dokolan, inisip to warin naugip; balet ta ner naimano ton ag onlilinawa, diniwit ton makalkalna tan sikatoy impakaamta ton inatey la; onggagapo lan ombetel.
Tinmalimokor ed satan a nandasal.
Nen inmalagey abayag a nengnengnengen ton inimimano may bangkay ya nipintad lupa to niay mapalalon ermen, say kaermenay sakey a entiron bilay a naapan andi kinanaan, ka-
