ermenan ya intarok to nin anggad bilay a sakey; akigtot si
masiken tan inkuanton makalkalna:
"Kasian ira komoy Dios so angipaarap ed sikatod mauges!"
Tan legan day tinatawag to ran manaayam ed sikato ya mantaltalimokor ya idadasalay inatey, a natatalibága ran napnoy osisan akaarap dimad dokolan. anggaman andi ebas da met ya eman lan oman na requiem, si pári Florentino inala tod sakey ya aparador imay nibantog a maletan balatyang a kawa. laan ton may ngalngalin agla nasisiad korakel a kayamanan nen Simoun. Nanduaruan aganó, balet ta kasanlilikna apaa big toy gaween to, linmasor ed takayan a sankaawit to, tan linmad mad batón yoyurongan nen Isagani no ontan lan labay ton koninengey walad dalem na dayat.
Si pári Florentino inmosdong. Dimad leksab nanengneng iray magmagket iran daluyon ya sipsipoakan dan kekewkewen iray longolongog da ran may bató, ya tanol day malaragurog a singa karol; daluyon tan buraburá onkidiam iran singa alipáto no napunta ray sinag na bulan ya aliling day sankaakop a brillanten insibuag ed dagem na sakey ya inkantado ed dalem na danum. Linmingaw ed liberliber to. Bukbukor to. Samay gilig na baybay a malinis ya anggapoy bengat lan nanengneng, asaniban lay kelpa ed bandad arawí, ya singa la borarog so pakanengneng ed sinag na bulan ya nanmaliw lan akitaganayon ed nanabetay tawen tan dálin. Samay kaabay a takel meremeréy ag natalusan. Diad satan, si masiken diad anggaay nayariay mabiskeg iran taklay to. intopak to may maletan imbantak ed dayat. Tinmelek ya aminpiga insan maples a linmosor a binmasikaw na daiset tan inmaninag ed masileng a tapew toy amusiak a sinag na bulan. Anengneng nen masiken so nansasabuyag a danum. Nangel toy tanol ya asaspak insan nankopit lamet so danum ya inakmon to may kayamanan. Nanalagar na daiset ta agla piga no samay lipnok et walay ipawil to, et samay daluyon nankopit lan napnoy misterio ya singal unong gendat, ya ag apanoay mogmon sakey a piligis so kulet ya tapew to, ya singa bilang diad saman ya awang na dayat et sakey a batón melag labat so naplag.
"Yatol ka komoy danum ed lipnok iran sankaralman diad utel day koralis tan perlas ed maando ran kadayatan!" kuanen
