bató et pinaunong ira kasin impanmaliw ya onman na sakey
a santo nen kasakbayan ni delap a lapag?¹
Say tonoy bosis nen alajiro mabinbinta, tan impapeg tod muling toy sampot na tamoró to ya pakapatnagan bilang ed aralem ton pannonunot, kanian onia met so inebat nen pári Camorra ya mabinbinta:
"Siopay makaamta, siopay makaamta!"
"Tan siansia lan tagaomen so sasalitaen tayo insan ontutubong itila ed libsong, si Kapitán anganko dakdakel so amtal to.....
Peles ton may bapor ya onlalabas ed samay sabangan tan marakerakep so dadalanen dan pasen a singa mankakalkalnan ombubuskag ed matá ra. Amin da singa ra amemet ed panaamayo. Diad arapen da, samay libsong ya aliktob na malabuyong iran dika tan kakiyewan tan palandey iran kolor na inanangan, ya aliling toy sakey ya espijon baleg a giniligay ankabli ran baton esmeralda ton safiro ya aaninagay katawenan. Diad nikawanan apanatay gilig na baybay a niabeba ya singa sinambren marakerakep tan dimad aragdawi, anggaman singa la burarog, nabaltawan nin siansiay pinmikewet a kawit na Sugay; diad arap da ed sankaarawiyan a pasen mana'alagey so palandey na Makiling ya ambelabelat tan mabinbinta ya nanbalanget na maimpis iran lurcm; tan diad nikawigi, wadman iray polo na Talim, say Susong-dalaga2 ya kanengnengan toy akapangiter na dilin ngaran to. Onsisiplog so masamsamit a dagem a samet to kukuleten so maawang a tapew ton may danum.
"Maya kipa, Kapitán," kuanen Ben-Zayb a linmingaw; "amta yo no iner a pasen ed sayan libsong so inateyan na sakey a toon manngaray Guevara, Navarra, odinó Ibarra?"
Nilingay dan amin si Kapitán, likod labat si Simoun a linmingaw ed arum a pasen a singa walay nenengnengen ton aanapen dimad gilig.
"Sian tua! kuanen Donya Victorina; "iner Kapitán? Walay atilak a pakanengnengan ed tapew na danum?"
________________________
1 Delap yan lapag tan sankaaralman a masulosulok nin asalipoat toray sankatageyan a kapalandeyan, ya impanusa tan impamatey na Dios ed kapinalsaan likod labat so boleg nen Noé tan longgal kaparis ed amin day ayayep tan bigibigis, a nilaban iraya ta pinasakbayay Dios si Noé ya nanggaway biong a nakapotan a luganan da,
2 Pagew na marikit.
