nengneng day papárin kaletan a pakapatnagay pankayrian da.
Tan manlapod anggapoy nipaway da, asabiray Okuman, a ginmabay si Anakbanwan Tales ta inisip ton anggano aliwa bilang
ya amin, wala met ni ra angankoy totoon manotunton na kaptekan tan mangagalang ed saray panotuntonay katonungan.
"Mansisirbiak tan andukey lay impansirbik ed Ari ed kuartak may sagpot ko," kuay ibabága tod saray mangcekal na ilalo to; "say kekerewen ko labat natan so pangiter tod siak na kaptekan tan mailaloak ya agto ya igimor ed siak."
Tan alimbaway isásagar na segsegang a singa bilang wadman ya akaponggan amin ed saman. amin ed saman a kulkol so kainawaay árapen ton bilay tan árapen da met na anak to, akalkalnaan ton naopot ya agastos so amin a tipon to ya imbabayar ed saray abogado, saray eskribano, tan saray procurador, ya andibali ni ray iniiter to met ed saray arum nin opisialis tan eskribiente ya sasamboten day agto pikakabat tan pankaukolan to. Onsulong ompawil ed kapital na lúyag, dake! so agew a pamápalabas toy panangan tan mabetbet met so labin agto pakaugip, ya anggapo lay arum a sasalitaen to saray sulsulat, ipaparungtal ed Okuman iran papipapil, saray apelacion, etc. Tan dia anengneng so sakey a tulot ya ag nin balot agawgawa ed silong na tawen na Pilipinas; say impitulot na sakey a dukan indio ya anggapoy aral to tan anggapo ray kakaaro to ya bukor bengat angipeketan toy ilalo toy maptek a pankatonungan to tan kaabigay isasangsang to, ya say kaarap to sakey a sankabiskegan a Togiop a tatakutan tan tetewekay Kaptekan a pangikikilingan day simbangan tan pangisusukoan day kampilan iray okum. Mitotulot ya ag mangongpang ya aliling na gilatan iketket to ni pinaspasia anta amta to lan liresen da, odino kaolibay na apangat ya akulong a nanenengneng to labat so paway a napapaaninagan ed salming. Ah! no maminsan samay bangán dálin a topaen to ray kaldiro insan namisimisí, ambelabelat so kanengnengan to, ta walad sikatoy katageyay suri na ilalon inmandí. Diad saray agew ya agto panbabaroy, liliberen to may úma to ya sankasakbat toy paltog, ta kuanton walaray tulisan ya akarakar a mantatakew, kanian nakaukolan a mangawit na pandepinsa to ta no nasinkat da, natalo lad samay kulkol to. Tan singa bilang panpapasalan to, iparpaarap ton ipaltog ed saray manomanok ya atap, saray bungabunga, tan saray kom-
