lang ed inatol ton kuarta, et samay duan lasus pisos ya umanumanen ton bibilangen ag met nanaaruman, ag ondarakel;
kasanlilikna nanpales, kinelkel ton amin iray alajas to, tan
ipapanon tod laki toy maong a gaween to; onlan misalitad
kápitan, okum, eskribiente, tan say Teniente Guardia Civil. Si
masiken eeselan ton amin, a siaabubon, et no "andi manaya"
kuanen Julí, "andi," kuanto met la ya tuloktulok. Walaran
siansiay akakar diman a kabkaabay da ran bibii, kakanayon
tan kakaaro, wala la rad tay duká, wala met la ray walaay
daiset, yanoyanon walna tan kagagalaw iray arum, tan saray
arum balet alablabas a manlawan so panangipatnag day pililikna da. Say sankatudioan ed sikaran amin si Hermana Balí,
sakey a panggingira ya akakar lad Ibale ya aki-santos ejercicios ed beaterio1 na Compañia.
Si Julí ninunot ton ilako lan ami alajas to, likod labat so sakey a relikarion binobutakay brilyanti tan esmeralda ya inrigalo nen Basilio ed sikato. Saman a relikario oniay inkagawa to ay: inter na sakey a madre (nen agni tinmobong ed konbinto) ya anak nen Kápitan Tiago ed sakey ya akating. Manlapod saya et tinambal nen Basilio, inter to yan pinagkatumang, tan inawat nen Basilio ya impasen ton pamalangkap ed sikato. Kanian ag nilake nen Julí no agto ni nipatanir.
Alakon tampol iramay sagaysay ya inoukopay balitok tan binobutakay perlas, saramay ikaw tan balsakan nen Julí ed samay sankayamanan a kaabay da, tan akapapaway na limamploy pisos; kulang ni balet na duan lasus tan limamplo. Walay angibaga ya isalna to may relikario et si Julí manpeyeng. Wala met so akanunot a kaabay da ya ilako may abong tan inmabubon si Tandang Selo ya makalilik et la ed pannodnunot toy pakapawil ton manayam ed takel a mankiyew lamet a singa nen linmabas iran panaon, balet ta say kuanen Hermana Balí, so ag iman nayari ta andid may akankien.
"Samay asawa nen Okum inlako ton aminsan so tapis tod siak na pisos, et say kuanen asawa to balet so anggapoy kabaliksan ton man a saliwan ta anggapoy abuloy to. Kasumsumpalan to binawi to may tapis, et agto ni balet impawil imay pisos kon anggad natan, kanian siak met agko babayaran no taloen toak ed panggingi, anto sirin ey! Kanian asingil ko lay
__________________
1 Ayaman day mamadre.
