leneg a pansasalita ra ed waloy bulan ya inorong to, say ngaran ton babasaen ton may pári no manpasalista tan say pang.ebat toy adsum1 a sikato yay yeebat day manaaral ya inagewagew. Mapalaloy irap na linawa to kapag ompapaway ed klasi, tan manlapod natetebek to met so makasengeg na onman a pantatrato rad sikato, masiadoy pannangis to no ontan a kabukbukoran to la, tan alay karakel na eyey ya ombebetag ed dalem na puso to tan diman met lara ompapatey ya agto ra ibebesngaw! Manogaog a mansibsibek ed lubok nen iná to, ya diman to inbesngaw ya indalem so amin iray erermen to, irirap na linawa to, tan kababaingan iran inaako ton intepel, ed samay indalaw ton inmonaoná nen inawit nen Kápitan Tiagod San Diego nen manasingger lay Pasko! Ontan man aaralen. ton ipapatlep ya amin so liksion ya anggapoy ititilak ton ang gan sakey a koma, anggaman agto natatalusan. Diad panaakar na agew pinasamit to lan inagamil so tepel, lalo la nen sankanengneng to met a diad talon lasus ono apat a lasus ya ibiba tod klasi et sakey ya apapataplo labat so natetepetan, manlapod atawag so imanoy manbabangat ed sikara nisesengeg lágid ereng da, kabaglan da, lemew na dalá tod sikara, odino bengat lad tan ya arum a makasengeg. Sakey ni, dakdakel ed saray ibiba to so misalsalamat ira ed agda katetepetan ta agda la nakaukolay manaral tan mannunot.
"Say lolooban ed kolijio aliwan say panaral ono pakaamta no ag pian makasapat so too, tan no nipatlep so entiron libro, anto ni anapen dad saray manaaral ey? Nisapat day sakey taon."2
Nen iksamen ed sampot na kurso, si Basilio inebatan toy saksakey ya alenleneg a tepet dad sikato ya singa mákina, ag tinmonda tan ag linminawa, tan akasapat ed baleg ya elek day papárin angiksamen. Saramay siamiran ibiba to say iksamen nen uley na kastila oral, aliwan insulat, insan tonggal po-
__________________
1 Salitay latin a say labay ton ibaga "wadiaak." (present).
2 Say panagbangat na high school ed Santo Tomas, Kolijio na San Juan de Letran, colijjo na San José tan arum niran eskuilaan a privada ed saraman a panaon, puros patlep tan sakitoyay kakapuyay torumboken dan panagbangat ya inggapo ray papári diad Pilipinas. Saraya agda labay ya ankabat iran maong sa pilipino kanian agda ran petepeteg lilirliren so manaaral. Saray inleletneg daran kolijio manmamaliw ira labat ya ayamay anak day mamayaman a kitandoraan dad mapasirayew a panagbilay. Tua ta ibabangat daran maong na religion a makakaiba met yan mangigagalet ed nunot tan puso ray panamagalang ed nagnap a pakayari ray togiop day papári balet to agda ra iwawanwan a maong ed saray kakabs tan a nakaukolan dad pibakal dad bilay, no agta ibobonlok day panaon day estudiante ed panaral day latin.
