say dalay intsik ya inatey ed sifilis, sakit yan naalad saray
mauges a bibii.
Intuloy nen Basilioy panaaral to, ya ag angongpang ed seet to no agta apanoan ni ingen no nayari, tan kasabí tod komatlon taon ginapoan to lay mantatambal ya ontan lay kapalaran ton napapaabig ton amin iray tatambalen to, ya diad onia aliwa labat lan singa la sankanengneng so mabolaslas ya arapen to no agta pakakalkalmoan to la natan na aliwa labat lan malublubay a pansasaliwan toy marakep a kakawesen to. no agta makatitipon ni.
Onor layan taon a panaral to, tan diad loob na duay bulan. médiko la, ompawil lad satan ed báley to, mankasal lara nen Juliana ya manbilay iran malikeliket. Say pakasapat to aliwa labat lan anggapoy sápo no agta pasasabiyen ton singa manesiab a balanget na impanaral to. Manlapod sikatoy manonaan. ed klasi sikatoy mandiskurso no agew a pantoga ra tan pangawat day diploma, tan singa to la sankanengneng so inkasikato ya akaalagey ed intablado ed arap day amin a papári ya sikatoy sankanengneng tan aasikasoey amin a wadman a too. Amin iraman a mangakabat ed Ibale, ya sinmelek la wari uló ra ed samay inmalsan singa kolibenben iran dikolor na toga. ra, tan amin iramay bibiin dinmágop a manbantay, a diad taon iran imbeneg et no bilang agda nenengnengen a napnoy panlemlemew, agdan balot aasikasoen, saraman ya atatágey ya inkatoon lalaki ya nen ugaw ni et ngalngali ran talapusey luganan da ed pegley na pitek a singa asó, talinengen dad satan ed baleg a keneng tan say nonunoten ton ibagad sikara aliwan andi kakabaliksan, no ag kanunotan iran agni ra nangnangel ed saman a pasen, ta diad pansalita to gagala ton lingoanay inkasikato tan nunoten to labat iray dukan estudiante ed arapen, tan sikatomay diskurson ninunot ton iloob ed togiop day katoowan.
