ya arum a makasengeg ya ag nanlapod too..... Bang balet
paulian takayon manbilay tan ilaloan kon agko ya pagbabawiyan. Nankimey kayo, andi tonda yon akitulot ed bilay..
tan singa met siak wala ray sisingilen yod togiop na katoowan;
pinatey day agi yon yogtan, agda tinondaay ina yo anggad ag
naambagel ed irap tan ermen, tan satan a togiop day totoo,
anggapoy ginawa ton balot, pinalabas ton ag ginunigon so amatey tan say amairap. Sikayo tan siak napgaan itayoy kaptekan,
kanian agtayo nepeg so manderalan no agta mantulongan itayo
ingen."
Tinmonday Simoun a pinokpokan toy ngeswá to, insan to intuloy a matantantan tan kanenengneng toy singa nababalang.
"On; siak imay linmadian labintaloy taon la natan ya agmakayari tan masegsegang, ed pangiter koy sankaunoran a pamagalang cd sakey a toon marakep a walna tan masuri, ya agto kinawanan ya inter so bilay to ed pangilaban tod siak. Diad inkapaunong ko nisengeg ed aderal a kurang na uley, nanliwagliwag ak ed sankamunduan ya andi tondak a nankimey ed lábi man no agew ed pantipon koy pilak a pakapangituloy koy gagalak a gaween. Natan pinmawilak a mangalpong nitan a mauges a kurang na uley, mangapurá ed kaderal ton aminpinsan, tan mangitoldon ed sikatod lipnok ya aarapen ton agto amta, ya anggan diad pakarapat kod onia et naames iray totoo na luá tan dalá..... Ta sayan kurang na uley aliling toy tinotulan to lay inkasikaten díli, kanian sirin ayari lan atutolan, tan kasakbayay ipatey ko, labay ko nin nanengneng a natemek a nagalpong ed dalem na aralem a kelás."
Tan si Simoun inonat to ray sanduan lima ton impaarap ed dálin a singa bilang labay ton inmermer diman so amekmek a nakdaan. Say tanol na bosis to nagmaliw ya araldalem tan makakebiew ya ag napokpokan nen Basilioy pankigtot to.
"Pinmawilak diad sarayan pólo ya tinawagak na kaugsan da ray manouley dia; tan diad impankinon kon managlakoy alajas, niliber ko ray kabalbáleyan. Nisesengeg ed pilak ko, anggapoy agko nanaakar, tan iner man a pasen, namumuryak so ágap na linawa ed nambabangil a mauges a kanengnengan, ya no arum minomúan, no arum marumsis, no arum met masulit, ya manpepesel a manpapataba ed inatey lan pinalsa, ya singa bilang sakey a mabiskeg a manok ed tagey a manpapak-
__________________________
1 Say gabay ton ibaga si Elías
