pen a petepeteg ya angga lad angga! No tungtongey tua, siamirán kakapló ed sikayon ipapasen yoy inkasikayon akaaral, itatapat yoy dálin yon nianakan. Say siopaman ed sikayon mangikanay salitay kastila, napaulian to lan aminpinsan so salita
ton dili, agtola isalita, agtola ikanan pansulat tan nasabisabin
agtola natalusan, tan dakel lara tay amtak a mankonkonwari
ran agda lan balot amta! Mapalar kayo ta say Uley yo et
mureng. Say Rusia diad pilalek ton mangaripen ed Polonia
ingganggan to ya say ikana ray totoo say salitan ruso; ontan
met a say Alemania sesebelan to ray totoo ed saray lúyag a
nasasakop to ya mangikanay salita ran díli; say Uley yo gagaween toy anggaay nayarian to ed agyo pakalingoan na salita
yon dili, sikayo balet totoon makapakelaw ed silong na sakey
ya Uley a ngalngalin ag nasisia, ipapasout yon pilit so pangiwaklit na inkapilipino yo tan amin a tinawir yo, tan saray pakanengnengay panangaro yod dálin yon nianakan. Sakey tan
sakey nalilingoanan yo ya kaléganay sakey a báley ya agto nabalang so salita ton díli walad lima to met so pakanengnengay
kawayangan to, ya ontan met na sakey a too ya nipasen toy
inkasikaton manbibilay a mawayang sanleganay agto pakabalang na panagnunot ton díli. Say salita singa bilang panagnu-
not na sakey a bansá. Mapalpalar kayo ta sankanengneng ya
agyo naikbanan so kawayangan yo, bangta ginmalet iran liknaay siblet, águm, tan arum ni so mangaantabay a manbabantay ed agto kaderal!"
Tinmonday Simoun tan inaplos toy muling to. Ompapaway so bulan ya asingger lan manlesek tan say mauriem a sinag to ontatalustalus ed nanlalaetan day sangasangá. Say pakanengneng ed Simoun ed buek ton amalakpak lad uban tan lupa ton ambelabelat tan mabinbinta ya naliliwawaan a manlapod leksab na silew ton may parol, singa masebeg a bantay ton may takel a mangipapasakbay na mauges iran pasabiyen tan nonunot na gaween ton makapataktakut. Andi esel nen Basilio tan tewek ya onderengel ed saraman ya ambelabelat iran turing. Intuloy nen Simoun ya onia:
"Asipor kon abantayan so impangigapó yod sayan gagaween yo tan mabetbet so sanlabin agak makaugip ed baleg ya ermen ko tan irap na linawak ta amtak a peteg a wala ed saray tubonbalon mangipapangulo so nidumaduman matudion pakatalus tan maong a puso, ya ibabágat day inkasikara ed sakey
