Nen aliing si Julí tan inlukás toray mata ton naknaksawan a nannangis, ambilunget ni abong anggaman mankukaok laray mánok. Say inmonaonan linmad uló to so nanmilagroy Virgen tan ag ombutay so agew anggan onman lay pantawtawag day mánok.
Binmangon, angurus, dinasal toran maraldalit so darasalen. toy kabuasan, tan nankalkalnan pinmaway ed batalan.
Anggapo lanlamang manayay milagro, ontatayagtag lay agew tan sankanengneng lan mababig so kabuasan, mapayapayay dagem a masamsamit so betel to, nabubural laray bitewen ed letakan, tan saray mánok manbetbet tan manabig so kakukokaok da. Magmairap met a tua may kinerew to ya ag ombutay so agew, mas mainomay ni Virgen komon so angiter na duanlasus tan limamploy pisos! Pigá tala tan cd Virgen ya Inay Dios so pangiter tod sikato? Sa balet so nalmo tod mad silong na talintao saman labat so sulat nen amá ton pikekerew toy limanlasus pisos a panundon dad sikato..... Anggapo lay nagawaan, nakaukolan to lay onsipot. Lapod sankanengneng toy láki ton ag onggalagalaw, inisip ton naugip kanian nanggawa lay tajó ya ipangan dad almosal. Alay makapakelaw! Maligeligey nunot to, wala ni ingey ganas ton onelek! Anto laman sirin so impanermen to kalabian ey? Aliwa met ya arawi laen to, nayarian toy ompawila kinaduan ondalaw dimad abong; nanengneng nen láki to, insan no si Basilio, abayag met lan amta to so pandidimalas nen amá to ta mabetbet ya ibabága tod sikatoy:
"Naani no doktor ak la insan mankasal ita, agla nakaukolan nen amám iratay uma to."
"Agay lay inkaambagel kon nannangis ak a pinaspasia!" kuantod sikaton díli legan ton sisinopey opigan to.
Tan manlapod akarapas na lima to may relikario, intagey tod sungot ton inangoban, balet ta pinunasan ton tamtam-
