pol iray bibil to ompano naalisan; ta samay relikarion brillante.
tan esmeralda nanlapod sakey ya akating..... Ah, no naalisan
aglan tua miasawa!
Nen onliliwawa lad mad dalem na abong, tan anengneng toy láki ton akayurong dimad sakey a sukong ya tomtumboken toy matá, inalsa to lamay opigan to, tan sinmingger a makakaimis a manpinsiw. Benindisionan nen masiken ya andi csel. Sinali ton galawen a paleken.
"No ompawil ira di amá, ibaga yo ta linma ak lan siansia ed kolijio; samay panayaman ko amta toy mansalitay kas tila, kanian sankamuraan layan kolijion naalmo."
Et nen kanengneng ton mabalagabag iray lua nen masiken, sininkat to lan inagto may opigan to tan nanggangganat lan inmakseb a mapalakapak a masaysayaksak so tanol day sinelas to rad man ed balitang na takayan a tablá.
Balet ta nen akaarawi lay daiset insan linmingaw a nengnengen tonin maminsan imay abong, samay abong a naandipatan dan aliling na asewek iray kaunoran a pikugip ton nanugaw, tan nilesaay pilalek toran narapat ed kalangueran to; nen anengneng ton macrermen, begtebegtew, ataynan, tan akadalíyet iray dorongawan ton ambilbilunget tan anggapoy nanengneng ya aliling day matay inatey; nen sinmabid layag toy makalkalnan kalasakas day kakawayanan tan sankanengneng toran manbaybayes ed mapayapayán dagem na kabuasan, a singa ra ipapatnubang, naandi may ligligsá to, tinmonda, sinmalmay iray lua to, inyurong tod sakey a sengeg na kiew ya abual dimad gilig na dalan tan diman pakaskasin mannangis a mansibsibek.
Pigay oras lay linmabas ed insipot nen Julí, tan atagtagey lay agew. Si Tandang Selo wadman ed dorongawan a sankanengneng toray onlalabas a totoon akakawes iray kawes na pista ya onaarap ed báley a mimisay mayor. Amin da lawari walay sankaebá odino sankatabin dan ugaw a lakí ono bii ya pinalesan met iray pipipista.
Say agew na Paskoy Inkianak diad Pilipinas unong ed saray mamatatken, pista ray ugugaw; nayari balet a saraya et ag ira onabobon ed sayan kanunotan tan nayari ni ingen ya
