inapen ya antakut dan onsabi. Ta panon met lanti, bangonen iran masaksakbay, dilamosan iran palinggasen, palesan ira,
isulong cd sikaray amin a bálo, mablí tan marakep, sapatos
a sutla, ankakabaleg a sombriro, kawes iran lana, sutlá, odino
peluz, kucntasan iray apatirá ono limaran karmin iran ankelag ya angisulatay evangelio nen San Juan, tan onia ran napnapnó ya yakar daran pimisaey mayor a sakey oras wari bayag to, ya paskaren dara kalamor a mangakoy anapapseng tan
ambangebanget ya angob na totoon manlinglinget a nanpipitpitan, tan no bilang agda lara pandasaley rosario, agda ra balet
pagalawen a wadman laran nanaalipanesan a makaugip lad tay
makaugip. Kapag makagalaw ira odino walay nagawa ran
bengat lan kabaglan a makarutak na kawes da, karuten daran
panpasnokan; kanian ag ira oneleelek, ag met ira makaliliket,
tan sankanengneng ed malilimpek iran matá ray pakakailiw
dad samay kamisolan aguagew dad abong tan say pankabusol
dad saramay akasulong ed sikaran binobordaan. Kayari misa
iliber irad kaabongan day kakanayon ya ondalaw tan manpinsiw a kapag laen dan abong nakaukolan ya ipaway dan ipanengneng so amin ya amta ra, onsayaw ira, manganta ra, etc.,
walay ganas da may anggapó, maingongot ira may andi ed
nambabangil a kawes da ya ag natitilak so karut tan tami, kapag walay aliwan nagawa ra. Saramay kakanayon a dalawen
da paaginaldoan daray kuartos,1 balet ta agda met ya napinabangan ta say mangiatol nian kuarta saray ateng da tan agda
met la napiduan nanengneng. Say alenleneg a sankapatnagan
a naala rad sayan pista saray bakabakat na karut, say alipanes
tan inkairapan dad impankawes da, tan kaderal na eges da
ni no maminsan, no nalawanan day mangay nambabangil a paga
ed abong daray dinadalaw daran malagay a kakanayon. Balet
ta sikatoyay naugaliyan, tan saray ugugaw a pilipino diad igapó
ran manbilay diad mundo, dalanen da rayan pananubok ya
ambelabelat dala ra natan balet ta napapaway dad ikokurang
na panaon a sakey lara manayad saray sankaaliwan maermen
tan sankalemewan ed bilay da ran man a totoo....
Saray susto la rad taon ya manbibilay laran bukor, minanabang met ira ed saya. Dalawen daray ateng da tan papangamaen, papanginaen da, italimokor day sakey a pueg da ya mangiter na maabig a Paskó; tan wala met so aginaldo ran
__________________
1 Say 160 kuartos pisos natan.
