salet ed utel day rosrosas iran balitok a nandudumaay kolor tan
pugnel day esmalte ya dinidibujoay mararakep tan nidumadumá.
Intagey nen Simoun imay kataptapewan a bandija tan diad ontumbok wadman iray sansanancy iran inkagawan alajas ya ag ni ra anengnengneng, a masulosulok dan naperay pilalek na kaisipay anggan pitoran tubonbalon mamarikit ed dispiras na pitoran lábi sayawan ya iter a pamagalang ed sikara. Inkagawa ran marakerakep a nidumadumá, impankokumpog na mankidiam iran bató tan perlas a ginagawan singa ra bigibigis a mala inanagan so kolor na beneg da tan payak da ray mankidiam a mankankaninag. Saray zafiro, esmeralda, rubi, turquesa, tan brilyanti impaniiba ran ginagawan andirit, kompapey, potiokan, alimboyongan, balangobang, uleg, tilay, sirasirá, rosrosas, nanmumugel iran bongá, tan arum ni; walara met so sagaysay a singara inkagaway mararakep a balanget, gargantilla, tan kuintas iran perlas tan brilyanti ya diad mapalalon dakep da, saramay mamarikit a wadman agda apokpokay impakapangibulos day nakú! ed onmanlan panamamayo ra, tan si Sinang lonlontaken toy dilá to ya asabisabi lan kinarot nen Kapitana Tiká, ta mapagpaga yan ibilin maong nen alajiro ray tagiláko to. Si Kapitana Tiká siansia nin kákaruten toy anak to anggano wala lay asawa to nia.
"Niratay aanapen yon brilyanti ran karaanan," kuanen Simoun; "saya ay singsing nen Princesa de Lamballe tan saraya ay ikaw iray sakey a dama nen Reinan Maria Antonieta."
Sarayay binibitla to, solitario ran singara ankabaleg bukel na maiz, mala inanágay dalang da, ya ambelabelat tan mabinbintay inkagawa ran singa bilang awitawit da ni ray giwgiw tan paga ed apalabas da ran agew na Uley a Makapataktakut.'
"Saramay duaran ikaw ay!" kuanen Sinang a ninengneng toy amá to, tan bansag met na impangisanib toy lima to ed samay taklay ton asingger ed kinen ina to.
"Saratay lalon karaanan ni, saray nanlapod Roma," kuanen Kápitan Basilio ya mankindat. Si marasal a Hermana Penchang ninunot ton no sikato- may niiter ton rigalo ed Virgen ed Antipolo, onlemek la angan-
_____________________
1 Say labay bon ibaga dia samay rebolusion ed Francia nen saray inmal- san totoo et sinisinkat da ran impiperiso tan pinoputulan di arin Luis XVI. asawa ton reina Maria Antonieta, saray ának da tan ag nabilang iran malogor ed sikaran mablin inkatoo.
