- 85
silot nga pagbuut sa langit batok sa mga tawo nga mosukol sa mga tuyo sa iyang kapunongan.
Si “Hermana” Penchang, ang tigulang biyata nga gialagaran ni Juli, nasayud sa nahitabo, ug human siya manghesus makaduha kun makatulo, nanguros ug miingon:
— Mahitabo sa makadaghan nga kanang mga kadauta dala kanato ni Bathala tungud kay mga makasasala man kita tungud kay aduna kitay mga kabanay nga mga makasasala kinahanglan untang tudloan nato sa mga buhat sa kaluoy kristohanon ug wala nato tudloi.
Kining “mga kabanay nga makasasala,” sa ato pa, si Juliana; alang sa tigulang nga biyata, si Juli maoy usa ka dakung ma kasasala.
— Hunahunaa ninyo ang usa ka batan-on nga hapit na maminyo ug dili gihapon maantigong mangadyc! Hesus, pagkangilad nga tan-awon! Inigpangadye niya sa “Dios te salve Maria” dili siya mohunong sa “es contigo,” ug inig pangadye niya sa “Santa Maria” dili usab mopahulay sa pag-abut sa pulong nga “pecadores,” sama sa pagabuhaton sa tanang mga maayong kristiyanos nga mahadlukon kang Bathala. Susmariosep! Dili siya maantigo sa “oremus gratium” ug moingon siya nga “mentibus” inay unta sa “metibus!” Ang makabati kaniya makaingon tingali nga nagahisgot siya sa “suman de ibus”1. Susmariosep!
Ug nanguros siya nga gingil-aran niadtong iyang giasoy, nag pasalamat kang Bathala nga mitugot nga hidakpan sa mga tuli san ang amahan aron ang anak maluwas sa sala ug makakat-on sa mga “virtud” nga matud sa mga kura kinahanglan magadayandayan sa tanang babaye nga kristohanon. Ug tungud niini gihawiran niya ang dalaga, ug dili niya tugotan nga mopauli sa
balangay aron mag-alagad sa iyang apohan. Si Juli kinahanglan gayud nga motuon sa pagpangadye, sa pagbasa sa mga gagmayng basahon nga gisabwag sa mga prayle ug kinahanglan usab nga magahago siya hangtud nga makabayad sa duha ka gatus ug kalim-an ka pisos.
Sa pagkasayud niya nga si Basilio miadto sa Manila aron
pagkuha sa salapi nga iyang dinaginot ug tinipigan ug paglukat kang Juli niadtong balay nga iyang gialagaran, ang buotan nga tigulang mituo nga ang dalaga mahulog na gayud sa sala hang-
__________________
1Suman kun budbod. — P. sa Taghubad.
