88
nga ilang dinaginot ipamalit nilag mga pahiyas ug mga batong mahal nga gikan sa Uropa. Nadungog nga si Simoun higala sa Kapitan Heneral ug dili dautan ang pakighigala kaniya basin pag makahinabang siya kon unsay mahitabo kanila.
Si Kapitan Basilio miadto didto uban sa iyang asawa, sa iyang anak nga si Sinang ug sa iyang umagad nga lalaki, andam sa paggasto ug tulo ka libo ka pisos, ang labing diyutay.
Si “Hermana” Pentsang didto usab aron pagpalit ug usa ka singsing brilyante nga iyang gisaad sa birhen sa Antipolo: Si Juli gibilin niya sa balay aron magsag-ulo sa usa ka diyutayng basah6n nga gibaligya kaniya ug duha ka daku sa kura, ug adunay kap-atan ka adlaw nga “indulgencia” nga gihatag sa arsobispo alang niadtong mobasa kun mamati nga basahon siya.
— Hesus! — matud pa sa tigulang biyata kang Kapitana Tika; — kanang alaut nga dalaga mitubo dinhi sama sa usa uhong nga gitanom sa usa ka “tikbalang!”1 . . . Daw ikakalim-an ko na ipabalik-balik pagbasa kaniya ang basahon sa hataas nga tingog ug wala gayud siyay nasag-ulo bisan diyutay na lamang: ang iyang ulo sama gayud sa bukag, mapuno samtang ituslob pa sa tubig. Sa pagpamati kaniya, kaming tanan, lakip ang mga iro ug mga iring, nakadawat na unta kaluhaan ka tuig nga “in dulgencia,” ang labing diyutay!
Gihikyad ni Simoun sa ibabaw sa talad ang duroha ka maleta ng iyang dala: ang nahauna labing daku kay sa ikaduha.
— Dagway dili kamo buut sa mga hiyas nga “double” ni sa mga alahas nga inawat ... Si ginang — miingon siya nga miatubang kang Sinang — dagway buut ug mga brilyante . . .
— Oo, mao kana, ginoo, mga brilyante ug mga brilyante nga karaan, mga bato nga karaan — mitubag si Sinang; — si papa maoy mobayad ug siya mahigugma kaayo sa mga butang karaan, sa mga bato nga karaan.
Si Sinang magatiaw-tiaw sa labihang linatin nga hikamaohan sa iyang amahan ug ingon man sa diriyot ug mangil-ad nga hikatonan sa iyang bana.
— Nahiatol gayud nga aduna akoy mga hiyas nga karaan
uyamut, — mitubag si Simoun, ug gikuhaan niya sa putos nga
“Iona” ang maleta nga diyutay.
___________
1 Tawong ingkantohenon. —— P. sa Taghubad.
