94
pahibulong, ug mga silaw nga makahahadlok daw ingon ug minglapus sa iyang antiyohos nga bughaw gikan sa iyang mga mata.
Daw ingon ug dala ang tinguha sa pagpalong sa gibati sa nanag-alirong kaniya sa atubangan niadtong mga batong mahal, gisakwat ni Simoun ang “bandeha” nga iyang gipatuod, ug nakita ang ilaum sa sudlanan diin niya tipigi ang mga “sancta sanctorum.” Mga "estuches de piel de Rusia,” nga giulang-ulang ug gapas, nakapuno sa ilalum sa sudlanan nga hinapinan ug “terciopelo” nga abuhon. Ang bana ni Sinang milaum nga makakita ug mga “carbunclo,” mga bato nga magsilaob sa kasiga sama sa kalayo ug modan-ag taliwala sa kangitngitan. Si Kapitan Basilio mituo nga niadtong higayona nagabarog siya sa atubangan sa ganghaan sa kinabuhi nga dayon; makakita na gayud siya ug usa ka butang nga matan-aw ug mahikap sa mga galamhang lawasnon, ang panagway niadtong butang nga ginadamgo niya sa hataas nang panahon.
— Kini mao ang kuwintas ni Cleopatra — miingon si Si moun nga mihulbot sa dakung pagmatngon ug usa ka sudlanan nga palag ug may baylion sama sa bulan nga pikas; — maoy usa ka pahiyas nga dili takus kabilhan, usa ka butang nga angay ipasundayag sa “museo,” usa ka alahas alang lamang sa mga kagamhanan nga dato.
Maoy usa ka daw kuwintas nga binuhat sa nagkalain-laing mga “dije” nga bulawan nga panagway ug tawo-tawo nga bulobathala tipon sa mga bakukang nga binugkag lunhaw ug bughaw, ug sa taliwala makita ang ulo sa usa ka banog nga binuhat sa usa ka bato nga adunay “jaspe” nga kahibulongan, gitaliwala sa duroha ka mga pako nga binuklad, timaan ug dayandayan sa mga reyna nga Ehiptohanon.
Sa pagkakita ni Sinang sa maong kuwintas gilisngag ang iyang ilong ug unya nangyam-id sama sa bata, ug si Kapitan Basilio usab, bisan pa sa iyang dakung gugma sa kakaraanan, nabalo intawon ug nahinayak gayud pag-ingon: aba!
— Maoy usa ka alahas nga maayo kaayong pagkaamping ug hapit na moduha ka libo ka tuig ang iyang kagulangon.
— Pssh! — midali pag-ingon si Sinang aron ang iyang am ahan dili matintai pagpalit niadtong hiyasa.
— Buang! — giingon si Sinang ni Kapitan Basilio nga nawad-an na sa iyang kalagot tungud sa pagkabalo niya kaganina;
