- 97
Buut mo siya iilis ug lain? Pagpili lamang kutob sa irnong higugmaon!
Si Kabesang Tales wala makatingog ug mitan-aw kang Simoun daw nalibog ang ulo ug nagaduhaduha sa iyang nadungog.
— Lima ka gatus ka pisos? — matud niya.
— Oo, lima ka gatus ka pisos — misabut si Simoun nga nalain ang tingog.
Gikuha ni Kabesang Tales ang “relicario” ug giutasag lisoliso: misanting ang iyang agtang, nangurog ang iyang mga kamot. Kon palabwan niya pagpangayo? Kadtong “relicario” ma-kaluwas kanila; maayo na kaayo kadtong higayona, ug dagway dili na siya makakaplag ug lain.
Gikihatan siya sa mga babaye aron iya na lamang ibaligya kadtong “relicario,” gawas kang Pentsang nga, sa iyang kahadlok nga lukaton unya si Juli, misulti sa paningog nga kaugalingon sa mga biyata:
— Kon ako pay ikaw, tipigan ko kana ug himoun kong “reliquias” . . . Ang nanagpakakita kang Maria Clara sulod sa kombento sa mga mongha nanag-ingon nga labihan niya ka daut nga, matud nila, lugos ngani makasulti ug gituhoan nga mamatay siya nga “santa”... Si pari Salvi makusog kaayong modalayeg kaniya kay siya man ang suki sa kompisalan ni Maria Clara. Tungud dagway niana, si Juli wala mosugot nga mahimulag kaniya kanang pahiyasa ug gipalabi niya ang pagpabaton.
Kadtong mga sultiha namunga gayud.
Ang handumanan sa iyang anak nga babaye nakapugong kang Kabesang Tales.
— Kori inyo akong tugotan — matud niya — motugbong ako sa lungsod aron pakigsulti sa akong anak nga babaye; una moabut ang kagabhion mahiuli na ako dinhi.
Nagkauyon sila, ug si Kabesang Tales mitugbong diha-diha. Apan diha nga didto na siya sa gawas sa balangay, hilantawan niya didto sa layo, nagasubay sa usa ka agianan nga misuot sa kalasangan, ang prayle nga magyuyuta kuyog sa usa ka tawo nga naila nga maoy mibanus sa iyang kayutaan. Ang usa ka bana nga nakakita sa iyang asawa nga misulod sa usa ka lawak nga tago kuyog sa usa ka tawo, wala unta mobati ug samang kaligutgot, samang pangabubho sa gibati ni Kabesang Tales sa pagpakakita niya niadtong duroha ka tawo nga napadulong sa
