- 125
— Tuod no, kabuang ko gayud. Nahibalo ka nga nagkabuang na man ako karon? Apan, maayo lang gayud nga mohatag ka aron duna akoy ikapakita.
Nahiabut sila sa Unibersidad.
Sa pultahan ug sa mga asiras nga naglibut sa Unibersidad napundok ang mga estudiyanti nga nagpaabut nga mokanaog ang ilang mga magtutoon. Ang mga tinon-an sa pagkamanlalaban nagpundokpundok, in gon man ang sa ikalimang tuig sa latin ug ang sa unang tuig sa pagka mananambal. Kining mga ulahi masayon kaayong ilhon tungod sa ilang sapot ug tungod sa ilang panlihctk nga lahi sa uban; ang kadaghanan kanila gikan sa Ateneo Municipal, ug tipon kanila makita ta ang magbabalak nga si Isagani nga nagtudlo sa usa niya ka kauban sa pagpasihag sa silaw sa Adiaw. Sa usa ka pundok, naglantugi, naglalis, nagpahinumdumay sa mga pulong sa magtutoon, sa giasoy sa basahong ug sa mga kamatuoran nga dili malalis; sa laing pundok giwarawa ang basahon, gabadlis sa yuta ug mga larawan, ginamit ang ilang ulisi; sa layolayo, nangaligaw ug tinan-aw sa mga babaye nga nanimba sa simbahan nga silingan ug ang mga estudiyanti malipayon kaayog sinultihan. Usa ka tigulang babaye nga nagakbay sa usa ka dalagang batan-on, nagkimpang-kimpang ang linaktan, ang batan-on nagalakaw nga nagduko, daw mahadlokon ug maulawon sa atubangan sa nagtan-aw kanila; ang tigulang binuksan ang likod sa iyang saya nga ang bulok kape, sama sa sinina ug saya sa mga sakop sa Kaponongan ni Santa Rita, aron kaha hikit-an ang iyang mga matambok nga bitiis ug puting midyas; nakig-away sa iyang kauban ug nagtan-aw nga mahagiton sa mga nagtan-aw kanila.
— Buang, — nagbagulbol — ayaw pagtan-aw, ikuko ang imong mata...
Kini hialingatan sa tanan ug nakahatag higayon sa mga tiaw.
Usahay moabut ang usa ka maanindot nga kotse, nga mohunong duol sa pultahan, aron sa pagpakawas sa usa ka banay nga hinimba nga maoy sakay, manuaw sa Birhen sa Rosaryo sa adiaw nga naandan sa pagduaw niini. Ang mga mata sa mga matukituki-on motutok aron sa pagpasigpat sa panagway ug gidak-on sa bitiis sa mga dalagang nanganaug sa kotse; usahay makita ang usa ka estudiyanti nga mogula sa pultahan gikan nga nangadye,
