miagi sa simbahan una mosulod sa eskuelahan aron pag-ampo sa
Birhen nga lamdagan siya ug makasabut sa leksiyon, ug aron usab
sa pagtan-aw kon misimba ang iyang hinigugma ug unya sulod
sa eskuelahan ang iyang larawan nga makabibihag.
Apan makita ta sa pundok-pundok nga duna silay gikagubtan ug gibantayan, ug nga si Isagani nahiugmok ug naluspad. Usa ka kotse mihunong duol sa pultahan; ang mga kabayong puti nga gisangonan hiilhan na kayo. Mao kadto ang kotse ni Paulita Gomez, ug kini nanaug na nga maabtik, sama sa usa ka langam, ug wala maghatag ug panahon ug higayon sa mga hinan-aw sa pagtan-aw sa iyang bitiis. Ginuntan sa usa ka panlihok nga makabigon, gisapo ang likod sa iyang saya ug nagpasigpat sama nga wala tuyoa kang Isagani, nga iyang gipahiyuman. Si Donya Victorina nanaug usab, mitan-aw sa iyang mga mata nga ang antiohos sa pundok sa mga batan-on, ug iyang nakita si Juanito Pelaez, nga iyang gipahiyuman. Si Isagani namula mibalus sa pahiyum ni Paulita sa maulawon nga pagyango; si Juanito mibako paglabi, mikuha sa iyang kalo ug miyukbo sama sa pagyubo sa bantugang magduladula nga si Pansa, kon pakpakan na sa mga tawo.
— Mao kanay dalaga, — misinggit ang usa ka mihana na sa paglakaw; ingna ang magtutoon nga ako dakung masakiton. Ug si Tadeo, nga maoy ngalan niadtong nagpasakit-sakit, misulod sa simbahan aron pagsunod kang Paulita.
Si Tadeo moadto adlaw nga tanan sa Unibersidad, aron sa pagpangotana kon duna bay klase, ug kanunay siyang mahitingala ngano nga aduna kanunay lamang nagahunahuna sa mga adlaw nga walay tungha, kay ang iyang tinguha mao ang pag disiktor adlaw nga tanan. Ug tanang buntag, human mosakna sa iyang mga kauban sa pagdisektor, molakat nga walay mouban kaniya, magpasangil lang nga daghan siyag buhat, mga kabilinggan ug sakit, nga iatol gayud sa takna nga ang iyang mga kauban manulod na sa klase. Apan, bisan siya nagbuhat niini, ambut kon unsay iyang buhaton, si Tadeo kanunay nga makalabang sa pasulit, pinangga sa mga magtutoon ug nagapaabut usa ka bulawanong kaugmaon.
Niining higayona nabungkag ang mga pundokpundok, ang tanan misulod sa ilang klasi, ug ang mga magtutoon sa Fisica ug Qimica nanganaug padulong sa ilang tagsatagsa ka
