kanila; dili buang ang mga prayle! Ang Gabinitc gitukod aron
ipakita sa mga langyaw ug sa mga tag-as nga kawani nga gikan
sa Espanya, aron sa inigkakita nila maglingolingo sa ulo sa dakung kalipay, samtang ang nag-uban-uban kanila magkanayon,
dala ang pahiyum:
— Ha, gipakaingon ninyo nga maoy inyong makita ang mga monghe nga atrasawo. Anaa nakita ninyo, wala kami maiwit sa panahon; duna kamiy gabinete.
Ug ang mga langyaw ug mga tag-as nga kawani, nga maayong pagka-amoma, magasulat dayon sa ilang mga handumanan sa panaw nga “Ang real y pontificia Universidad sa Sto. Tomas sa Manila, ubos sa mga mangialamong kaponongan sa mga dominiko, nagbaton usa ka kahibolongan nga gabinitc sa pisika alang sa pagtudlo sa mga tinon-an... Nagtoon tuigtuig ning kinaadmana ang duha ka gatus ug kalim-an ka mga tinon-an, apan tungod ba kaha sa kakulang sa paninguha, kataspok, walay alamag sa indiyo, kun sa lain bang hinungdan . . . hangtud karon walay miguho nga usa ka Lavoistier, usa ka Secehi, usa ka Tyndall . . . bisan na lamang sa landong, sa kaliwat PilipinhonMalayo.”
Apan, sa pagkatinuod, niining gabincte anaa mag klasi ang katloan kun kap-atan ka mga tinon-an sa ampliacion, ubos sa usa ka magtutoon nga nagtuman sa hingpit sa iyang katungdanan, apan kay kadaghanan kanila gikan man sa Ateneo sa mga hesuita, diin ang basahon gitudlo sulod gayud sa gabinet, ang kapuslanan dili na daku, dili unta sama kon makapahimulos pa ni ining paagiha ang duha ka gatus ug kalim-an nga mibayad sa ilang matrikula, mipalit sa basahon, nagtoon sulod sa usa ka tuig, ug walay hibaloan bisan diyutay. Sa ingon niini, walay labut ang usa kun duha ka kapista ug luyoluyo nga nagbantay sa musiyo sulod sa daghang katuigan, makaingon kita nga walay naku hang kapuslanan ang tanan nga nagsag-ulo lamang sa ilang leksiyon.
Apan, balikon ta paghisgut ang klasi.
Ang magtutoon maoy usa ka batan-ong dominiko, nga nakatudlo sa dakung kapuslanan sa pila ka klasi sa Colegio de San Juan de Letran. Gidungog siya nga maayong mosulti ug maayong molantugi, ug giila siya nga usa sa may dakung kaugmaon sa iyang pundok. Ang mga tigulang nagtahud kaniya, ug ang mga batan-on nasina kaniya, kay sulod sa ilang kaponongan may
