- 149
hisgutan ang yutang natawhan, paghiusa, panagigsoonay, ug uban; ang mga pilipinhon nagkanayon nga kon pulos pa mga Sandobal ang mga katsila, ang tanan unta mahimong mga Sandobal dinhi sa Pilipinas; ang mga mata ni Sandobal ningsiga, ug sarang ta katuhoan nga kon niadtong higayona may nadawat pang hagit, si Sandobal tingali mingkabayo dayon sa bisan unsang kabayoa aron pagpakamatay alang sa Pilipinas. Mao ray tingog ang tubig nga bugnaw nga si Pecson:
— Maayo, maayo kaayo, Sandobal; ako usab makaingon niana kon ako katsila pa sama kanimo. apan kay dili man, ako pay nagsulti sa katunga sa imong gisulti, tingali ikaw usab makangalan kanako nga pilibustiero.
Si Sandobal misugod na usab sa usa ka laing pakigpulong nga puno sa pamalibad, ugaling giputol siya:
— Maglipay kita, mga higala, maglipay kita! Pagdaug!, misinggit niadtong higayona ang usa ka batan-on nga migakus sa tanan.
— Maglipay kita! Mabuhi ang Pinolongang kinatsila!
— Usa ka masipang pakpak maoy mitubag sa balita; ang tanan naggakus; ang tanan kahilakon. Si Pecson da ang wala madani niadtong kadasig ug igo lamang nga mipahiyum nga puno gihapon sa pagduhaduha.
Kadtong misulod nga nagdala sa balita mao si Makaraig, ang batan-on, nga nangulo niadtong kalihokana.
Kining tinon-ana nag-abang niadtong balaya, alang da gayud kaniya, duha ka lawak nga maayong pagkadayandayan, nagsuhol siyag binatonan ug kotsiro alang da gayud kaniya, duha ka lawak nga maayong pagkadayandayan, nagsuhol siyag binatonan ug kotsiro alang sa iyang sakyanan ug mga kabayo. Ambungan ang iyang panagway, mahinayon, pustorawo ug sapi-an kaayo. Bisan gatoon siya sa pagka manlalaban aron lamang makabaton siyag titulo, naila sa iyang pagka kuggihan, ug sa mga lantugi dili siya maiwit sulod sa Unibersidad. Mahitungod sa mga hunahunang bag-o ug mauswagon wala siya maiwit; tungod kay siya adunahan makapalit siya sa tanang mga basahon ug mantalaan nga gitugot sa mga ponoan. Tungod ning iyang kinaiya, dungagan sa iyang kaisog, dungagan sa mga pagdaug nga iyang nakab ut sa batan-on pa kaayo siya, ug sa iyang batasan nga matinahuron ug malumo, dili nato kahibudngan nga tamdon
