- 173
moadto sa tabo, makigduot-duot sa kadaghanan, aron pagtan-aw sa mga ulo nga mosulti! Unsay isulti unya sa mga Indiyo? Ipanig-ingon lang unya sila sa ubang mga tawo, nga aduna usay kahuyang ug kailibgon sama sa uban! Apan, si Ben Zayb, sa iyang kaabtik sa pagka gumapan, nagsaad nga hangyoon niya si Mr. Leeds nga samtang atua sila sa sulod, walay laing pasudlon: Daku kaayong dungog ang ilang gihatag sa pagduaw nila didto, ug tingali dili pa sila pabayran sa pultahan. Ug aron pagpakita
nga uyunan gayud ang iyang tuyo, si Ben Zayb miingon:
— Kay hunahuna ninyo, kon hisakpan ko ang trampas biya sa atubangan sa kadaghanan ug sa mga indiyo! Mamatay na intawon sa gutom ang alaut nga Amerikanhon.
Si Ben Zayb maoy usa ka tawo nga maayog kasing-kasing.
Nanganaog ang napulog duha, uban kanila ang atong nail han nga si Don Custodio, pari Salvi, pari Camorra, pari Irene ug si Juanito Pelaez. Ang ilang mga luwanan gibiyaan nila sa pultahan sa plasa sa Kiyapo.
