248
pangayog pasaylo sa larawan sa iyang anak, hangtud nga mitabakog daghang ampiyon . . . Karong hapon gibagting ang
iyang agoniyas.
¡Ah — nangagho si Simoun, ug wala mahagliyok nga gisagpo ang iyang ulo sa iyang duha ka kamot!
Nahinumdom nga hidunggan niya ang bagting sa agoniyas sa nagasuroysuroy pa siya sa hadool sa kombento.
Patay na — mituaw paghinay ingon sa nakigsulti sa usa ka animo, — patay na! namatay nga wala nako hikit-i, namatay nga wala mahibalo nga ako nagapakabuhi tungod kaniya namatay nga nagaantus! ...
Ug sa pagkabati nga usa ka unos nga makalilisang, usa ka bagyo sa alimpulos ug dalogdog nga walay usa ka tulo nga ulan, mga pagbakho nga walay luha, mga pagsiyagit nga walay tingog mihuros sa iyang dughan ug hapit na mobuto ingon sa lapok nga makapaso sa mga bolkan nga gipugngan sa dugayng mga adlaw, midali sa paggula sa higdaanan ni Basilio. Si Basilio nakabati nga nanaog sa hagdan, nga wala magakasinabot ang lakang; nakadungog sa usa ka halawom nga pagtuaw, pagtuaw nga ingon sa nagapahibalo sa pag-abut sa kamatayon pagtuaw nga makalilisang ug makapanglibawot sa balhibo, ang batan-on nahitindog sa iyang gilingkoran, maluspad ug nagapangurog. apan nabati niya nga nagakawala ang hinagtok sa lakang ug ang pultahan sa dalan gisirhan pagkusog.
— Intawon! pagkaalaut nga tawhana! — miyagubyub Basilio, ug ang iyang mga mata napuno sa luha.
Ug wala mahinumdum sa pagtoon, nagaliraw-liraw ang tinan-awan sa tanang dapit, nagahunahuna niadtong duha ka tawo, ang usa sapian, batan-on, maalam, gawas, tag-iya sa iyang kapalaran, maanindot ug sangputanan, ug siya, ang babaye, maanyag ingon sa usa ka kinabuhi nga malipayon, aron halaran sa sulod sa panimalay ug tahuron sa kalibutan apan, niad tong duha ka tawo nga puno sa gugma ug sa mga bililhong tinguha ug mga mahimayaong pagpaabut, tungod sa dautang palad, ang lake nagalaroylaroy sa kalibutan, ginuyod kanunay sa usa ka unos nga dugo ug luha, nagasabwag sa kadautan inay magabuhat sa kaayohan, nagapalong sa maayong pagbati nagatinga sa dili masusing kangitngitan sa usa ka kombento, diin
