268
— Mga hinigugma kong igsoon sa mga hunahuna nga gihunahuna, misugod siya sa duha ka palito nga pagagamiton sa mga insik kon sila mokaon.
— Mananap, biyai kanang sipit, kay giguba mo ang akong hinapay, miingon ang usa ka diha sa iyang tupad.
— Tinawag sa inyong pagpili aron paghulip sa lungag nga gibilyaan sa ....
— Oy, kawatan, kanang pakigpulonga mao kana ang sa pangulo sa atong Liceo ... misinggit si Sandobal.
— Tinawag sa inyong pagpili, — mipadayon si Tadiyo nga wala manumbaling — aron sa paghulig sa lungag nga gibilin sa... akong ulo (ug gitudlo ang iyang tiyan) sa usa ka tawong bantugan tungod sa iyang doktrina Kristiyana ug sa iyang mga hunahuna ug mga paagi, nga angayan magbaton ug diyutay nga panumduman, unsay ikasulti sa usa ka tawo nga, sama kanako, gigutom kaayo tungod kay wala makapamahaw?
— O, dawata, Tsoy, kining li-og sa manok.
— Adunay usa ka sud-an, mga ginoo, nga bahandi sa usa ka lungsod nga karon maoy mitamay sa yuta, diin nagpangadto aron sa pagsandok sa ilang gutom nga kutsara ang mga dagkung dawo sa tibook kasadpan... ug gilayon gitudlo sa iyang sipit si Sandobal nga nakigbugno sa usa ka pako sa manok.
— Ug sa silangan usab, mitubag si Sandobal nga mihimo sa iyang kutsara ug usa ka sirkulo, aron sa pagpasabut nga nahiapil ang tanang natambong.
— Walay pagsanta nga itugot...
— Mangayo ako nga tugutan sa pagsulti...
— Ug ako mangayog patis, misagbat si Isagani.
— Isilbi na ang lumpiya ...
Ang tanan nangayo sa lumpiya, ug si Tadiyo milingkod nga malipayon nga nakagula siya sa malisud nga kahimtang.
Ang sud-an nga gipahinungod kang Pari Irene wala kaayo kahimut-i, ug si Sandobal nagpahayag sa iyang hunahuna.
— Nagsinaw lamang sa mantika sa gawas, ug baboy ang sulod ... Nga isilbi na ang ikatulong sud-an, ang torta sa mga prayli...
Ang torta wala pa maluto, ug madungog ang inuros sa mantika sa kaha. Samtang naghulat pa sila sa sud-an, gipahi
