270
hunyag kaninyo, mopirma kaninyo ug moduaw kaninyo sa cskuelahan sa dakung kabalaka; usa ka prayli ang mamati sa inyong unang mga tinagoan, ang unang mohungit kaninyo sa usa ka Bathaia, ang moagak kaninyo sa dalan sa kinabuhi; mga prayli ang una ug katapusan ninyong mga magtutoon, prayli ang mobukas sa kasingkasing sa inyong mga hinigugma aron mamati sa inyong mga pulo aron makahanggap kamog mga bag-ong hangin ug makapahimulos mga bag-ong kalingawan; siya ang motambong sa inyong pagtinga ug bisan kamo bitayon, naa ang prayli aron pag-uban kaninyo sa inyong mga pangadye ug mga luha, ug kamo angayan nga dili magduhaduha nga siya mobiya hangtud nga kamo namatay ug gibitay. Apan ang iyang kalooy wala matapus diha; sa namatay na kamo, mopahigayon siya aron kamo ilubong sa maayong paglubong, makig-away aron ang inyong minatay iagi sa simbahan, makadawat sa mga pag-ampo ug anha ra siya mopahulay nga malipayon kon gikahatag na kamo niya sa mga kamut sa Magbubuhat nga putli dinhi sa yuta, salamat sa mga dili dayon nga silot, pag-antus ug pagpaubos. Kay hibalo man sila sa doktrina ni Kristo nga nagsira sa pultahan sa langit sa mga adunahan, sila, mga bag-ong manunubos, mga tinuod nga ministro sa atong Manunubos, nagmugna sa tanang mga lansis aron kamo magaan sa inyong mga sala, sa ato pa, sa mga katigayunan, ug dad-on kini nila sa layo, halayo uyamut didto sa dapit diin ang mga ispidnohanong nga insik ug mga protestante atua magpuyo, ug biyaan kini nila nga dapita nga malinis ug putli, aron sa ingon niana wala na gayud kitay makita nga diyutay nga salapi nga makapasilot sa atong kalag.
‘Kon tungod niini, sila gikinahanglan aron sa atong kali pay, kon bisan asa nato isimhot ang atong ilong ato gayud nga makita ang lumoy nga kamut, nga gutum sa mga halok, nga magpislat adlaw nga tanan sa ato nang daan nga ilong nga pislat, ngano man nga ato silang hinginlan, inay hinoon panggaon ug patambokon? Palandunga sa makadiyot ang kadaku sa hulipan kon sila mawala sa atong katilingban! Mga mamomoo nga dili kapoyon, nag-ayo ug nagpasanay sa mga kaliwat; ug sanglit kita nagkabulagbulag gumikan sa kasina ug mga pangabubho, ang mga prayli mao ang naghiusa kanato sa usa ka paghiusa nga hugot uyamut nga hapit na gani
