- 279
Ang mga betirana nagtinan-away.
— Hulat usa dinhi, — miingon ang usa; — hulat usa nga manaug ang kabo.
Si Basilio namahit sa iyang mga ngabil, ug ang mga pulong ni Simoun milanog pag-usab sa iyang mga dalunggan... Nanganhi ba kaha aron sa pagdakop kang Makaraig? nakahunahuna siya apan wala mangahas sa pagpangutana. Wala magholat pagdugay; niadtong orasa nagakanaog si Makaraig nga nakigsulti nga malipayon sa kabo nga nagasunod sa usa ka agwasil.
— Unsa, ikaw usab, Basilio? — nangutana.
— Mianhi ako sa pagpakigsulti kanimo ...
— Salaminang pamatasana — miingon si Makaraig nga nagakatawa; — sa panahon sa kalinaw ikaw molikay kanato...
Ang kabo nangutana kang Basilio sa iyang ngalan ug gisulat sa usa ka listahan nga dala.
— Nagtoon sa pagkamananambal ug tua magpuyo sa dalan Anloague, “No? — nangutana ang kabo.
Si Basilio namahit sa ngabil.
— Maayo hinoon kay dili na lamang kami magahago sa pag-adto, — nipadayon ang kabo nga gibutang ang kamot sa abaga ni Basilio; — uban kanamo!
— Kay unsa, ako usab?
— Si Makaraig nahikatawa.
— Ayaw lamang kaguol, higala, magkotse kita, ug sa ingon niana suginlan ko ikaw sa panihapon gabii... Ug sa usa ka paglihok nga mabihagon ingon sa tua sa iyang balay gidapit ang agwasil ug ang kabo sa ]pagpaluwan sa kotse nga nagahulat kanila sa pultahan.
— Sa Gobiyerno Sibil! — giingon ang kotsero.
— Si Basilio nga hiulian na sa iyang kalisang misulti kang Makaraig sa tuyo sa iyang pag-adto. Wala patibawasa pagasoy hi Makaraig ug gipig-it ang kamot.
— Salig lamang kanako,j.salig lamang kanako, ug sa kombira sa atong pagdawat sa atong titulo, dapiton ta kining mga ginoo — miingon nga gitudlo ang kabo ug ang agwasil.
