282
— Dili ila ang tanang sala, Pari Fernandez, mitubag si Isagani; maoy tagsala ang nagdili aron sila magbatog hunahunang gawas, ug kagawasan sa pagsulti. Dinhi ang tanang hunahunang gawas, ang tanang sulti nga wala mahiuyon sa kabubot-on sa makagagahum, nganlan dayog pilibustero, ug ikaw nahibalo kon unsay kahulogan ning polonga! Buang na gayud ang tawo nga aron siya ingnon nga maisug mopagula sa iyang hunahuna aron unya siya gukdon!
— Unsa man nga pangukura nga nahiaguman nimo?, nangotana si Pari Fernandez nga nagpataas sa iyang agtang; gidid-an ko ikaw sa pagpagula sa imong hunahuna sa akong klasi? Apan ikaw dili sama sa uban, nga kon tinuod pa ang imong gisulti, angayan ka unta nako badlongon, aron pag angay sa tanan ug aron ang imong taras dili himoon nga panig-ingnan!
— Si Isagani mipahiyum.
— Magpasalamat ako kanimo, ug dili ko ikaw lantugion kon ako lain ba sa uban; akbng dawaton ang imong ginganlan kanako, aron ikaw modawat usab sa akong ingalan kanimo. Ug sanglit dinhi dili man kita angay magsulti sa atong kaugalingon, ug mao kini ang akong hunahuna, hangyoon ko ang akong magtutoon nga magsulti kita sa mga laing butang.
Si Pari Fernandez, bisan aduna siyay mga pagbating makiangayon, mihangad ug mitutok nga puno sa kahibulong kang Isagani. Kadtong batan-on walay popanapi-on sa iyang pag sulti, labaw sa iyang gituhoan, ug bisan tuod nagtawag kaniya nga magtutoon, apan iyang nakita nga, sa ilalum wala motoo nga aduna kanilay labaw. Sama sa iusa ka diplomatiko, si Pari Fernandez dili lamang kay miuyoni sa gihangyo ni Isagani, kon dili siya gayud ang milaktud sa paghisgut sa iyang tuyo.
— Maayong hunahuna!, miingon siya; apan ayaw ako tanawa nga imong magtutoon; ako usa lamang ka prayli ug ikaw. usa ka tinon-an nga pilipirihon, walay k'apin,. .walay kulang! ‘ Ug karon mangotana ako kanimo: unsay tuyo sa mga tinon-ang pilipinhon kanamo?
Ang pangotana kalit da kaayo, ug si Isagani wala makaandam. Kadto maoy usa ka estokada nga kinalit samtang kabatok nangandam pa "sa pagsagang, sumala sa mga eskrimador. Si Isagani, nga wala pa makapangandam, mibalps sa
