288
ninyo, dili angayan ninyo ipahid kun ipasangil kanamo kun sa Kagamhanan; naggikan kana sa pagkadili hingpit sa kahimtang sa atong katilingban, qui multum probat, nihil probat, nga mausik tungod sa hilabihang pagpanagana, sa kakulang sa mga kinahanglanon ug sa pagkapin sa wala kinahanglana.
— Kon ikaw miangkon nianang mga apana sa imong ka tilingban, mitubag si Isagani, ngano man nga manghilabut ka mo sa paghusay sa katilingban sa uban, inay ninyo husayon pag-una ang inyo?
— Nagkalayo na kita sa atong gikasultihan, batan-on; ang mga butang nga nanghitabo na kinahanglan' angkonon...
— Maayo, mouyon ako kay maoy usa ka butang nga nahitabo na, apan mopadayon ako sa pagpangotana: ngano man, nga kon ang inyong kaponongan adunay mga apan, dili man ninyo ilisan, dili man kamo mamati sa tingog sa mga tawo nga nag-antus tungod kaninyo?
— Nagkalayo na gayud kita: ang atong gihisgutan mao kon unsay tuyo sa mga tinon-an kanamong mga prayli...
— Tungod kay ang mga prayli nagpasalipod man sa Kagamhanan, ang mga tinon-an molaktud na lamang sa Pagatubang sa Kagamhanan ...
Ang tubag ni Isagani matarong kaayo, ug niadtong dapita wala nay lutsanan.
— Ako dili mao ang Kagamhanan ug dili ako makapanalipod sa iyang mga buhat. Unsay buot sa mga tinon-an nga among buhaton alang kanila sa sulod sa dapit nga among gibarugan?
— Nga dili kamo mosupak sa pagtudlo nga gawas, ug hinonoa inyong tabangan. Ang dominiko milingolingo sa ulo.
— Dili ko isulti kanimo ang akong kaugalingong hunahuna, apan sama da kanamo sa pagpangayo nga kami maghikog.
— Dili, mao hinoon ang pagpangayo nga dili ninyo babagan aron dili kamo hiligsan ug mapigsat.
Hm, miigham si Pari hinuktuk. Unahon ninyo mabug-at alang kanamo sa satagsa kanamo makahatag Fernandez ug mihunong nga nagpagpangayo kadto nga dili kaayo paghatag, usa ka butang nga tagsa walay pagsamad sa among ki-
