290
indiyo, ug unya kamo da usab ang nagpakaulaw sa ilang pagkahubo!
Si Pari Fernandez wala motubag; nagpadayon sa iyang pagpasopaso, apan ang iyang nawong nanlipaghong, ingon sa nasuko kaayo.
— Ikaw miingon nga gibiyaan ang mga oma, mipadayon si Isagani sa Iain nang paningog, human ang mubong kahilum; dili nato susihon karon kon unsay hinungdan, kay mahilayo na kita sa along gikasultihan; apan; ikaw Pari Fernandez, ikaw magtutudlo ikaw usa ka tawong maalam, ikaw buot motan-aw sa usa ka lungsod sa mga magdadaro, usa ka lungsod sa mga mamomoo? Kon buot ka ba lang hinoon nga ang kinaadman imo da, ug ang trabaho alang sa uban?
— Dili, ako buot sa kinaadman alang niadtong angay ka niya, alang sa maantigong mogalam kaniya, mitubag ang dominiko; sa adlaw nga ang mga tinon-an magpakitag kamatuoran nga sila nahigugma sa kinaadman; sa adlaw nga makita ta ang mga batan-on nga may kaugalingong hunahuna, nga maantigong molaban sa ilang katungod ug mopatahud niini, ang kinaadman hikaplagan ug unya hikaplagan usab ang mga magtutoon nga maayo! Kon duna karoy mga magtutoon nga madaugdaugon. kana tungod kay adunay mga tinon-an nga magdaugdaug!
— Kon duna na unyay mga maayong magtutoon, motungha na usab mga maayong tinon-an!
— Pagsugod kamo sa pagbalhin sa inyong taras, kay kamo ang angay magbalhin, ug kami mosunod.
— Oo, mitubag si Isagani nga nagpahiyom sa usa ka pahiyom nga nagdalag apdo; nga kami maoy mo-una kay ania kanamo ang mga kakulian! Sayud na ikaw sa dangaton sa usa ka tinon-an nga mosukol sa usa ka magtutoon; bisan ikaw, nga mahigugmaon sa katarungan, bisan ikaw nga adunay mga maayong pagbati, halus ikaw makapugong sa imong kasuko sa diha nga gisultihan ko ikaw sa mga mapait nga kamatuoran, ikaw, Pari Fernandez! Unsay nakuha sa usa kanato nga buot unta motisok ug mga maayong hunahuna? Ug unsang mga kadautana ang miabut kanimo, tungod kay ikaw buot mag-ayo kana, o ug motuman sa imong katungdanan?
