Si Ben Zayb mao rag nakatag-an sa iyang pahayag nga
gihimo sa miaging pila ka adlaw sukad sa iyang pamantalaan
nga ang kinaadman makadaut, makadaut uyamut alang sa Pi
lipinas. Ug karon, human ang mga hitabo niadtong Biyirnis
nga dihay mga nakitang mga paskin, nagpasibantug ang magsusulat sa iyang pagdaug, ug nakapadiyutay ug nakapakaulaw
sa iyang kabatok nga si Horatius, nga nakapangahas sa pagbugalbugal kaniya sa iyang tudling nga giulohag Pirotecnia sa
ingon niini:
Among nabasa sa among kauban nga El Grito:
“Ang kinaadman makadaut, makadaut uyamut sa Pilipinas”
Nakasabut kami.
Apan, saglit ang El Grito nagtoo nga siya nagdala sa tingog sa lungsod nga pilipinhon, “luego” .. , kamo na lamay sumpay niini.
Pero si Fray Ybanez mahimong usa ka moros kon siya magsulat na, ug kamo nasayud na kon unsa alang sa mga moros ang kinaadman.
Saksi, sumala sa giingon sa usa ka magwawali, ang Biblioteca sa Alejandria.
Karon, nakatunong na gayud siya, si Ben Zayb. Dili ba daan na man siyang nagpasibantug nga siya day utokan sa Pilipinas, ang bugtong tawo nga makatag-an sa umaabut!...
Tuod man, ang balita nga may nakitang mga paskin nga mahagiton sa pultahan sa Unibersidad, dili lamang kay nakakuha sa gana sa pagkaon sa daghan ug nakapaempatso sa uban, kon dili nakapanerbiyos pa gayud sa mga dili matarog nga insik, nga wala na mangahas sa paglingkod nga magtinambid
