- 293
sa ilang tiil, kay kakulangan na unya sila sa panahon sa pagtuy-on kon duna nay dinaganay. Sa ika 11 sa sa buntag, bisan ang adlaw nagpadayon sa iyang paglakaw ug ang iyang Kamahalan, ang Kapitan Heneral, wala magpakita nga mag-una sa iyang mga sundalo, apan ang tinuod mao nga ang kahadlok nagpabilin: ang mga prayle nga magkanunayan sa tindahan ni Kiroga wala na igkita ug kini maoy usa ka dautang tilimad-on. Kon ang adlaw nagpakita pa unta nga kuwadrado ug dili malingon ug ang mga Santokristo nagkalsonis, dili unta mabalaka kaayo si Kiroga. Pakaingnon lang unta niya nga ang Adlaw maoy usa ka liampo ug ang mga larawan nga magdudula sa Chapdiki nga napildihan hangtud sa ilang mga sapot, apan ngano man gayud nga wala manungha ang mga prayle nga unta giabtan man siyag daghang mga igbabaligyang bag-o! ...
Sumala sa sugyot sa usa ka taas nga ponoan sa kaparian nga iyang higala, si Kiroga nagdili sa pagpasulod sa iyang balay diin gidula ang liampo ug chapdiki sa tanang indiyo nga wala kaayo hiilhi. Ang umaabut nga Konsul sa mga insik nahadlok nga sila mangawat sa salapi nga mapildi didto sa mga alaut nga magdudula. Human ayom-ayoma ni Kiroga ang iyang tindahan aron masayon kining sirhan kon moabut ang higayon, si Kiroga nagpauban sa usa ka guwardiya nga karaan paingon sa balay ni Simoun, Nakita ni Kiroga nga kadtoy labing maayong higayon sa paggamit sa mga pusil ug mga bala nga naa sa sulod sa iyang tindahan sumala sa sugyot sa alahiro: gipaabut na niya nga sulod sa pila ka adlaw daghan ang mga rikisa nga himoon, ug unya pagkadaghan kaha sa mabilanggo, • kadaghan kaha sa mga tawo nga mogasto sa katapusan nilang salaping tinipigan.... Mao kana ang gihimo kanunay sa mga karabinero nga, human mobutag mga tabako ug uban pang mga kontrabando sa ilalum sa mga balay, morikisa dayon mining mga balaya ug magpaugos sa mga tagloya sa pagbayad mga dagkung hiphip kon mga silpi. Apan karon dili na tabako ang kontrabando kon dili mga hinagiban na gayud nga gidili...
Apan si Simoun dili makigkita bisan kang kinsa ug gipasugoan lang si Kiroga nga pasagdan lang niya ang mga butang sa ilang nahimutangan, ug, tungod niini, si Kiroga miadto kang Don Custodio aron pagpangotana niini kon andaman ba
