294
niyag mga hinagiban ang iyang tindahan, apan si Don Custodio dili usab modawat ug bisita, kay nagtoon sa mga paagi nga iyang himoon kon ang iyang balay alirongan. Nahinumdum siya kang Ben Zayb, aron pagpangotana niining mga bag-ong balita, apan sa pagkakita niya niini nga puno sa hinagiban ug nag-atubang sa duha ka rebolber nga gihimo niyang dat-uganan sa papil, wala siya makasulti sa iyang tuyo ug midali hinoon sa pagpauli sa iyang balay, kay kono nagmakasakiton siya.
Sa ika 4 sa hapon wala nay naghisgut sa mga paskin. Nadungog na nga ang mga estudiyante may panagsabut nga gihi mo sa mga tulisan sa San Mateo; ginaingon nga didto sa usa ka pansiteriya ang tanan nanumpa sa pagsulong sa siyudad; dihay naghisgut sa mga bapor nga aliman, nga kono naghulat atbang sa landiganan, aron pagpanalipod ug pagbawi sa usa ka pundok sa mga batan-on nga nangadto sa Malakanyang aron pagtanyag sa ilang pag-alagad sa Heneral, apan gipamilanggo kay kono nakita nga pulos sangkap sa hinagiban. Ang Kalangitan nagpasalipod pa gayud sa Iyang Kamahalan nga wala makaatubang niadtong mga kriminal kay niadtong higayona nakigsulti siya sa mga Ponoan sa Kaparian, sa Bise-Rector ug kang Pari Irene, nga sinugo ni Pari Salvi. Katuhoan kining mga hongihonga kon motoo kita kang Pari Irene, nga niadtong hapona mibisita kang Kapitan Tiago. Ma tud pa niini, may pila ka tawo nga mitambag sa Iyang Kama halan nga pahimuslan niya ang higayon sa paghadlok aron paghatag ug usa ka pagtulon-an nga maayo sa mga manggubut.
— Kon magpusil sa pila ka book, — matud pa sa usa, — ug unya hinginlan dihadiha sa tungang gabii ang pila ka dosena nga manggugubot, igo na kanang makapakuha sa aso sa ulo sa mga manggugubot.
— Dili kana maayo, matud sai usa nga maayog kasingkasing, igo na kaayo nga pasuroyon sa mga dalan ang mga sundalo, ang batalyon sa kabalyeriya nga magpasundayag sa ilang mga sabli; igo na nga ipaguyod ang pila ka kanyon, igo na kana. Ang mga lungsuranon hadlokan kaayo ug manago dayon sulod sa ilang mga balay.
— Dili, dili kana maoy maayong buhaton, nagsugyot ang lain pa. Karon mao ang higayon sa pagwala sa mga kaaway. Dili igo nga sila pasudlon sa ilang mga balay. Labing maayo nga sila pagul-on, sama sa mga mangil-ad nga hubag, pinaagi
