- 295
sa mga sinapismo. Kon dili sila manukol, ato silang pasukolon gayud ... Ako uyon kaayo nga sundalo mangandam apan dili magpakita sa ilang pangandam, aron ang mga kaaway magsalig ug mangisog. Ug unya, kon molihok sila, na, mao na kana ang higayon....
— Ang atong gidulong makahatag katarong sa atong pagabuhaton .misagbat pa gayud ang usa. Ang atong panalipdan mao ang atong balaanong tinuhoan ug ang paghiusa sa Yutang Natawhan. Kon aduna kitay mga mangil-ad nga tilimad-on nga nakita, nga walay kokalooy nga ipakita. Sakpon ta ang kanang mga ilustrado ug mga adunahan ug... silhigan ta ang atong Yuta.
— Kon wala pa ako moabut dayon, aron pagtambag nga dili himoon ang mga paaging dinalidali, matud pa ni Pari Irene nga nakigsulti kang Kapt. Tiago, ang dugo mibaha na unta sa kadalanan. Ako nahinumdum dihadiha kanimo, kapitan... Ang pundok sa mga manggugubot walay nakuha sa Heneral, ug gipaabut unta nila si Simoun. Kon wala pa kini masakit....
Tungod sa pagbilanggo kang Basilio ug sa pagrikisa nga gihimo sa mga basahon ug mga papil niini, si Kapt. Tiago nagmasakiton. Ug karon ania kini si Pari Irene, nga nagsugilon kaniyag mga butang nga makahadlok. Ang alaut giabut ug dakung kalisang, mikurog ang iyang lawas ug wala na siya ma-, kasulti. Ang mata naglurat ug ang agtang napuno sa singot, si Kapt. Tiago migunit kang Pari Irene ug buot unta motindog, apan wala makahimo. Human magyamyam ug mga pulong nga dili masabut, si Kapt. Tiago natumba sa higdaanan.. Ang mga mata naglurat ug nagkaway ang baba. Patay na siya. Sa taliwala sa iyang kahadlok, si Pari Irene, midagan unta, apan, sanglit ang minatay naggunit kaniya, kini naguyod hangtud sa gawas sa lawak.
Sa gabii, ang kalisang midugang. May mga hitabo nga makahadlok nga nakapatoo sa tanan nga maoy buhat sa mga manggugubot.
Sa usa ka bunyag, may gisabwag nga mga kuwarta alang sa mga bata ug, dayag na lamang, nagubut sila sa pultahan sa mga simbahan. Niadtong higayona may nahiagi nga usa ka opisyal sa kasundalohan, ug kay gipakaingon niya nga kadto
