300
— Pailob, pailob, gipahimangnoan sila sa “maestro” sa usa ka tingog nga maloloy-on.
— Ikaw na lamay mahibalo sa akong asawa ug mga batang ilo unya, naghangyo ang matuhotuhoon sa tingog nga maloloy-on.
Ang alaut mao rag nakakita nga gituhogtuhog na siya sa mga bala.
Niadtong gabhiona ang mga guwardiya sa pultahan sa siyudad giilisag mga katsila, ug sasunod nga adlaw, igo lang gayud nga mihayag, si Ben Zayb nangahas sa pagpasiyo aron pagtan-aw sa kahimtang sa mga paril, ug didto dool sa Lunita, nakita niya ang minatay sa usa ka babayeng indiya, nga hubo ug daw gipasagdan lamang. Si Ben Zayb nalisang, ug human niya kuhita sa iyang baston, mipadayon sa iyang paglakaw, naghunahuna sa pagsulat usa ka sugilanon nga mahinuklogon. Apan walay hisgut nga migula sa mga mantalaan sa mga ad law nga nagsunodsunod, ug, tungod sa kakulang sa mga balita, bisan si Ben Zayb napugos sa paghisgut sa usa ka bagyo nga nahitabo sa Amerika, nga nakaguba daghang kabalayan ug nakapatay sa kapin sa duha ka libo ka mga tawo. Human sa iyang mga pasiuna, iyang gisulat kini:
“Ang pagbati sa kalooy nga makita ta sa dayag sa mga nasud nga katoliko labaw kay sa ubang mga nasud, ug ang handumanan niadto nga, sinugo sa iyang kalooy, nagpasakit alang sa Katawhan, maoy magsugo kanato sa pagkalooy sa atong mga isigkaingon ug sa pagpaninguha nga unta, mining atong yuta, nga kanunay nga gisilotan sa mga unos ug mga bagyo, dili mahitabo ang mga makalilisang talan-awon nga kanunay nga hisaksihan sa mga pumupuyo sa Tinipong Bansa sa Amerika.” Apan, si Horatius, nga kanunay gayud nga nangitag higayon aron pagpakaulaw kang Ben Zayb, wala mohisgut sa indiya nga gibuno, ug sa uban pang mga hitabo nga nakahatag kalisang sa mga tawo, ug ang iya hinoon nga gisulat sa iyang Pirotecnia mao kini:
“Human sa pagsulti sa kalooy ug uban pa, si Fray Ybanez, aw si Ben Zayb diay, igo lang nga nangayo niini alang sa Pilipinas.
Dayag na lamang, tungod kay dili siya katoliko ug ang pagbating maloloy-on adto ta makita sa ....
