314
moingon nga sa atong pagpamunoan wala lang kita magtagad sa lungsod ..,
Ang hataas nga kawani nakasabut sa iyang sayop, apan nangako pa gayud siya sa paglaban kang Basilio.
— Apan sa akong pagsabut kanang bataa maoy walay sala sa tanan....
— Nganong wala nga hisakpan man ang mga basahon, mitubag ang sekretaryo ...
— Oo, hisakpan ang mga basahon ... mahitungod sa pagpanambal ug basahon nga gagmay nga sinulat sa mga katsila Unsa may naa niana? Labut pa, kanang bataa wala motambong sa panihapon sa pansiteriya, wala manghilabut bisan kang kinsa. Ingon sa akong gisulti, mao ang labing walay sala...
— Labing maayo, misanggit nga malipayon ang Heneral, sa ingon niana, ang silot kapanaminan ug makapaturok ug ka- . hadlok.
Ang taas nga kawani nanlimbasug sa pagpugong sa iyang kaugalingon, ug gipalahos lamang sa iyang dalunggan ang mga pasumbingay sa Heneral.... Migawi siyag laing paagi...
— Apan, Heneral ko, dili ikaw mahadlok ... ikaw unyay dat-ugan sa kadaut?
— Unsa may akong kahadlokan? misanta ang Heneral nga naglagut na. Wala akoy kagamhanan sa pagpamunoan, gahum nga walay magsusi kon giunsa ko paggamit? Makahimo ba ang usa ka binatonan sa pagsumbong batok kanako? Tinonto! Ug bisan duna pa siyay salapi nga magamit aron pagsumbong kanako, ang iyang sumbong kinahanglan nga moagi una sa Ministerio, ug ang Ministro....
Nangompas sa kamot nga nagkatawa:
— Ang Ministro nga nagpahamutang kanako, wala na hibaw-i kon hain na karon, ug tingali malipay siya kaayo nga makakita kanako kon mahiuli ako. Kining Ministro karon, dili ko lamang tagdon, ug kana usab dili madugay molagpot. Ang mo-ilis kaniya... Ang akong konsiyensiya, Ginoo ko. mao ray gisunod ko.
— Oo, Heneral, apan ang lungsod....
— Ikaw, ikaw, mao ang lungsod? Siya bay nagpili ka nako sa paghimutang dinhi?
