- 315
Ang hataas nga kawani mitubag sa usa ka hataas nga tubag, nga naglaban sa katungod sa mga pilipinhon. Sa pagkatapos niyag sulti, ang Heneral nangutana:
— Nahibalo ka kon kanus-a mogikan ang sunod nga bapor padulong sa Espanya. Ang taas nga kawani mitotok sa Heneral, ug unya miduko sa walay tingogtingog ug dayon kanaug sa palasyo.
Sa silong hikit-an niya ang usa ka kotsi nga naghulat kaniya.
— Kon sa umaabut nga adlaw makakab-ut kamo sa inyong kagawasan, nagkanayon siya sama sa nagsukit sa iyang kaugalingon ayaw kamo kalimot nga sa Espanya wala makulang ang mga kasingkasing nga mibati kaninyo ug nanlimbasug sa paglaban sa inyong katungod.
— Asa, sinyor, nangotana ang kotsiro ...
Human moagi ang duha ka takna, ang taas nga kawani mipasaka sa iyang pagluwat ug nagpahayag nga siya mopauli sa Espanya sa unang bapor nga mogikan.
