318
iyang katungdanan unya sa Mayo, gihimo ang tanang panlimbasog aron makab-ot didto sa Madrid usa ka lugway sa pamunoan sa Heneral ug nagtambag niini nga maghimog gubat aron dunay kapasikaran sa iyang pagpabilin, apan ginaingon usab nga ang iyang kamahalan, mao pa gayud kini, nga wala patoo sa mga tambag sa iyang pinangga, nagtoo nga usa ka kaulawan niya kon mohupot pa siya bisan usa ka adlaw sa iyang katungdanan, mga kutsokutso nga ginapatoo nga ang gidungog nga pingilin pagahimoon sa dili madugay. Kang Simoun, labot pa, wala gayuy nakatugkad; dili na kaayo siya makigharong, talagsa na lang mupakita, ug magapahiyum sa dakung kahibulongan kon siya pagasultihan sa gibutyag nang pangilin.
— Dali na, ginoo Simbad, — giingon sa makausa ni Ben Zayb; — pakitaa gani kamig buhat nga inamerikano! Oy, hunahunaa baya nga duna kay diyutay nga nautang niining lungsora.
— Sa way dihaduha, — mitubag sa iyang uga nga pahiyom.
—Tay-ugon mo tingali ang balay sa kasadya, no?
— Tingali, ugani kay wala man akoy balay...
— Imo untang gipalit ang kang Kapitan Tiago nga napalit hinoog barato ni Pelaez!
Si Simoun nahilom ug sukad niadto pagahikit-an siya usahay sa tindahan ni Don Timoteo Pelaez, nga ginaingon nga nakigkomboya na siya. Sa miagi ang pila ka semana, sa bulan sa Abril, nabutyag nga si Juanito Pelaez, ang anak ni Don Timoteo, pagakaslon kang Paulita Gomez, ang batan-on nga gikaibigan sa mga pilipinhon ug mga lumalangyaw.
— Aduna gayuy mga tawo nga palaran! — miingon ang ubang mga pagpapatigayon nga masinahon; — nakapalit usa ka balay nga barato kaayo, makabaligyag maayo sa iyang mga sin, nakakomboya kang Simoun ug pagminyo sa iyang anak sa usa ka sapian nga may kabilin, ingna nga mao kalan-on nga malalim nga wala makabaton ang tanang mga tawong dungganan?
— Kon nasayod pa kon diin maggikan kanang mga lamaJim nga kan-onon sa katigayonan ni Pelaez!
