333
usa ka lampara nga gisagang kang Aladin... — bisan nagpasalipod — si Simoun mao ang muhatag sa lampara. Timoteo, unsa pay buot mo?
Ang pagkabalhin nga nahimo sa balay ni Kapitan Tiago hilabihan; ang kisame ug mga bongbong gibaghoan pagpapilit sa mga papel pinintalan sa labihan sa tahum; ang aso ug ang baho sa ampiyon nangawala sa hingpit. Ang dakong hawanan sa sala na binakbakan sa alpombra midugang paglapad kay sa mga dagko nga salamin atong makita nga sa iyang luyo atua pay laing gidak-on sa sala ug nakapadaghan hinoon sa dili maisip sa mga suga sa mga aranya: ang mga sala didto sa Oropa adunay mga alpombra, ug bisan ang mga salog masinaw kaayo ug lagpad ang mga tabla, kinahanglan usab alpombrahan ang balay, kay kon dili, mao na lamay makulangl. Ang mga matahom nga lingkoranan ni Kapitan Tiago nangawala na, sa iyang dapit atong makita ang lain, ang mga lingkoranan nga gigamit sa panahon ni Luis XV; mga dagkong kortina nga tersiyopelo nga mapula, binuldahan sa bulawan, binutangan sa mga ngalan sa gikasal ug hiniktan sa mga pungpong sa bulak sa buongon, nanagbitay sa mga ganghaan ug nanagsangyad sa salog nga binitayag mga malinging gagmay nga hinimo sa bulawan. Sa mga eskina sa balay makita ang mga dagkong saro sa Hapon nga gisal-otan sa mga saro usab sa Sebres nga luto kaayo ang ilang pagkatagum nga itumon, pinahaluna sa mga tungtonganang kahoy nga maglaro nga kinulitan. Ang bugtong da nga dili maayo mao ang mga larawan nga madasigon nga ni Don Timoteo gipuli sa mga karaang santos ni Kapitan Tiago. Bisag giunsa na lang ni Simoun wala gayod siya makapiog; ang magpapatigayon wala mosugot sa mga larawan nga pinintal, tingali unyag ingnon nga binuhat lamang sa mga pintor nga pilipinhon...siya, magbuhi sa mga artistang pilipinhon, dili mahimo! kay kana makapaungkag sa iyang kalinaw ug tingali sa kinabuhi! Matuod nga siya nakadungog na sa mga ngalan sa mga pintor nga langyaw ingon kang Rafael, Murillo, Velazquez, apan wala siya mahibalo unsaon sa pagsulat kanila, ug tingali usab unya hinoon kon makadaot.... Sa mga larawan nga pinatik walay mga kadaot nga mahitabo, ang mga pilipinhon wala managhimo niana, ug usab mahiigo kaniyag barato, ang sangputanan managsama da, kon dili man gani labing maayo, kay ang mga kromo kun oinatik
