340
tong iyang salimuang nga lumalabay nga ang kagutom nakaalima ug nakaingon siya kaniya:
— Samtang dili manaog, walay mahinabong kadaot. Wala pa man usab mahiabot ang Kapitan Heneral!
Ug nanlimbasog siya pagpakitag kahusay pinaagi sa pagpugong sa pangurog sa iyang mga paa, ug gihimo niya ang paglingaw pinaagi sa paghunahuna sa laing mga butang. Gibali niya sa iyang kaugalingon nga dunay nagbiaybiay kaniya nga nagaingon:
— Kon nangurog karon ikaw, sa wala pa gani mahitabo ang kadaot, unsa na kahay mahitabo kanimo kon makita mo na nga adunay mga dugo nga nangagas, masunog na ang mga balay ug magahagyong ang mga bala?
Nahiabot ang Iyang Kamahalan apan ang batan-on wala makakita kaniya kay naniid siya sa nawong ni Simoun nga maoy usa sa nanganaog aron pagsugat sa Hencral, ug iyang nabasa sa nawong sa maghihiyas ang hukom sa kamatayon niadtong tanang mga tawo, ug tungod niana, bag-ong kalisang midasmag kaniya. Namugnaw siya ug nahisandig sa paril sa balay ug, nagatutok ang mga mata sa mga tambuanan ug nag paminaw ang mga dalunggan, buot siya mutag-an sa mahitabo. Nakita sa hawanan sa balay ang mga tawo nga nagaalirong kang Simoun, ug nagsud-ong. sa lamparahan; nabati ang pipila ka mga pahalipay, mga pamulong sa pagdayeg; ang mga pulong “kan-anan, pagsubo” ginasubli sa makapila; nakakita siya sa Heneral nga mipahiyom ug gibanabana niya nga subhan niadtong gabhiona, ingon sa gihunahuna sa maghihiyas ug adto gayod sa talad diin adto manihapon ang Iyang Kamahalan. Si Simoun nawala lamang, sinunod sa daghanan niyang mga sai gabay.
Niadtong higayona ang iyang maayong kasingkasing nakabuntog, nahikalimot siya sa iyang mga kaligotgot, nalimot si ya kang Juli, buot niyang luwason ang mga walay Sala ug andam siya, bisan unsay mahitabo, rriilabang. siya sa dalan ug buot siya mosulod, gihulga siya sa pagtawag duha ka mga Veterana.
Niadtong higayona nanaog pagdali si Simoun.. nga maluspad. Ang magbalantay mibiya kang .Basilio aron pagyukbo sa maghihiyas ingon sa dunay milabay nga santos. Si Basilio na-
