364
katahapan. Niining bahina nangutana si P. Florentino sa iyang kaugalingon, unsay takus niyang mahimo kon ang Guar dia Sibil muanhi aron pagdakop kang Simoun? Ang kahimlang sa masakiton dili motugot sa pagpalihok ug labi na gayod sa hataas nga panaw... Apan ang hatudkawat nag-ingon “buhi kun patay” ...
Si P. Florentino mihunong pagtugtog ug miduol sa tambuanan aron pagsud-ong sa dagat. Ang walay nagtikawtikaw nga kalawran, wala bisan usa ka baroto, walay nakasugyot kani ya. Ang pulo nga gamay nga makita sa halayo, nagausara, mao day gisulti kaniya ang iyang pag-usara ug nakapasamot pa hinoon sa pagpausara sa kapunawan. Ang kalayo nga way kinutoban mao usahay makapataka uyamot nga kahilom.
Naninguha ang tigulang pagtugkad sa pahiyom nga masulob-on ug mabiaybiayon sa pagkadawat ni Simoun sa balita nga siya bilanggoon. Unsay gipasabot niadtong pahiyuma? Ug ang laing pahiyom, nga labing sub6 ug labi pang mabiaybiayon, sa pagkasayod niya nga mao diay iadto sa managdakop kaniya sa ika walo sa gabii? Unsay gipasabot niadtong dili matugkad nga gawi? Ngano nga nagdumili si Simoun sa pagtago?
Nahisantop sa iyang kaisipan ang nabantog nga pakigpulong ni San Juan Crisostomo nga nagalaban sa cunuco nga si Eutropio: “Wala” nay ingon sama karon nga angay isulti: “Kakawang sa kakawangan ug ang tanan kawang lamang!”
— Oo, kadtong Simoun nga sapian kaayo, nga makagagahum kaayo, nga gikahadlokan kaayo sa miaging semana, ka ron, labi pang alaot kay kang Eutropio, nagapangitag kahiklinan, ug dili sa mga alampuanan sa usa ka simbahan, kon dili sa makalulooyng balay sa usa ka kabos nga pari nga indio, natago sa lasang, sa daplin nga nagausara sa dagat! Kakawang sa kakawangan ug ang tanan kawang lamang! Ug kadtong tawhana, sulod sa hamubong panahon, mahimo nang binilanggo, binunlot sa higdaanan diin siya maghigda, sa walay pagtahod sa iyang kahimtang, sa walay pagtamod sa iyang mga samad buhi kun patay gikinahanglan siya sa iyang mga kaaway! Unsaon sa pagluwas kaniya? Asa ihibalag ang mga pulong makapahinuklog sa Obispo sa Constantinopla? Unsa may gahom, sa iyang mga kabos nga mga pulong, ang mga pulong sa usa ka pari nga Indiyo, kangkansang kaulawan, kad-
