- 365
to gayod si Simoun, sa iyang mga adlawng malipayon, ingon man ug iyang gikalipay ug ginadasig?
Si P. Florentino wala na mahinumdom sa wala pagtagad kaniya sa maghihiyas sa milabay nang duha ka bulan, sa pagpangama niya nga luwason unta si Isagani, nga nabilanggo gumikan sa iyang kamadalidaliog hunahuna; nahikalimot na sa pag-atiman ni Simoun aron sa pagdali sa kaminyoon ni Paulita, kaminyoon nga nakapalumon kang Isagani sa usa ka mapintas nga kasub-anan nga nakapagil-as sa uyo-an; si P. Florentino nahikalimot sa tanan ug mao day iyang gihinumduman ang kahimtang sa masakiton, sa iyang katungdanan sa pagkatagbalay nga nakapaukay sa iyang utok. lya ba siyang tagoon aron paglikay nga hisakpan sa mga punoan? Apan unsay iyang nahimo nga gani ang tagtungod wa man lamang nagatagad ug nagpahiyom man lamang? ...
Niini naghunahuna ang maayong tigulang sa diha nga usa ka sulogoon nagpahibalo kaniya nga ang masakiton nagtinguha pagsulti kaniya. Misulod sa sunod nga higdaanan, usa ka malinis ug mahayahay nga lawak, nga ang mga salog mga lag pad nga kahoy mga masilakon ug hindik, dinayandayanan sa mga dagko ug mabug-at nga lingkoranan, sa panagwayng karaan, walay mga pasinaw ug dayandayan. Aduna sa usa ka daplin ing usa ka dakong higdaanan nga kamagdng nga adunay upat ka mga haligi aron pagpugong sa purongpurong nga sab-ungan sa “mosquitero” ug, sa tupad, sa usa ka talad nga puno sa mga botelia, mga hilo ug mga bugkos sa samad. Adunay usa ka ludhanan ubos sa tiilan sa usa ka Santokristo ug usa ka diyutayng butanganan sa mga basahon nagapaila nga kadto maoy higdaanan sa usa ka pari, nga gipahigdaan sa tagbalay, sumala sa kinaiyang pilipinhon sa paghatag sa dumoduong sa labing maayong talad, sa labing maayong lawak ug sa labing maayong higdaanan sa balay. Sa pagpakakita sa mga tambuanan nga binuksan aron pagpasulod sa labing kasayon sa putling hangin sa dagat ug sa mga lanog sa iyang walay katapusang dinaghong, walay makaingon dinhi sa Pilipinas nga didto igahibalag ang usa ka masakiton, kay kinaiya man ang pagtak-op sa tanang mga tambuanan ug pagsap-ong sa mga gagmayng lungag kon ugaling adunay ubhon kun sakitan bi san diyutay sa ulo.
