- 367
Ang pari, nagkabuang, napahiuraray sa iyang ludhananan, nag-ampo ubos sa mga till ni Kristo gitago ang nawong sa iyang mga kamot ug unya mitindog sa dakong kaligdong ug kaugdang ingon sa nadawat niya sa iyang Bathala ang tanang kalagsik, ang tanang kamahalan, ang tanang kagahom sa usa ka Maghuhokom sa mga balatian. Giduol ang usa ka dakong lingkoranan sa uhan sa masakiton, ug miandam sa pagpamati.
Sa unang mga pulong nga gihunghong kaniya ni Simoun, sa pag-ingon kaniya sa matuod niyang ngalan, ang tigulang pari mipaantaw ug gitan-aw siya sa dakong kalisang. Ang masakiton mipahiyom sa dakong kapait. Nalumon sa labihan kahikugang, wala makapugong sa iyang kaugalingon, apan hiulian usab dayon ug gitabonan ang iyang nawong sa panyo, mibalik pag-ubo aron pagbalik pagpaminaw.
Si Simoun naghinugilon sa iyang mapait nga kaagi, nga napulog tulo na katuig karon, nga nahiuli siya gikan sa Oropa, puno sa mga paglaum ug sa mga masayag nga tinguha, mianhi siya aron pagpakighiusa sa usa ka batan-on nga iyang gihigugma, andam sa paghimog kaayohan ug sa pagpasaylo sa tanang nanaghimo kaniyag kadaot, samtang siya dili lamang hilabtan ug pasagdan siya sa pagpuyo sa kalinaw. Wala mahitabo sa ingon niini. Usa ka kamot nga wala hiilhi nagtukmod kaniya sa usa ka alimpuos sa usa ka kagubot nga gihikay sa iyang mga kaaway; maayong ngalan, katigavonan, gugma, umaabot, kagawasan, tanan nawala kaniya ug mao day nakalingkawas kaniya sa kamatayon ang kaisog sa usa ka higala. Sa ingon niana nanumpa siya sa pagpanimalos. Dinala ang katigayonan sa iyang banay, nga gilubong sa usa ka lasang, mikagyo siya, miadto sa laing yuta ug nag-atiman siya sa patigayon. Misalmot siya sa kagu bot sa Cuba, nga nagatabang sa tanang pundok, apan nga nakasapi siya kanunay. Didto siya makaila sa Heneral, nga niadtong panahuna Komandante pa lamang, nga iyang nahigala kay gipahulam niyag salapi ug sa nadugay na nasandurot gayod ni ya gumikan sa daghang tinago nga kalapasan nga hibaw-an sa maghihiyas. Siya, gumikan sa iyang salapi, nakab-ot niya nga maoy matudlong Heneral sa Pilipinas ug sa dinhi na, gigawi niyang galamiton aron paghimog daghang kalapasan gumikan sa labihang pag-amping sa Heneral sa bulawan.
Ang pagpanugid milungtad ug dugay ug makuti kaayong pamation, apan samtang naingon niana ang pari wala na mu-
