52
ug mga himungaan nga iihawon tipon sa masubsob nga tinagoktok sa sundang nga magatagod-tagod ug unod ibabaw sa usa ka tadtaran, ug sa mga uros-uros sa mantika nga magabukal sa kaha. Niadtong balaya adunay kcmbira ug moabut hangtud sa dalan ang tinuya sa hangin nga modasmag ug magadalag mga baho nga malalim, mga baho sa mga sud-an nga ginisal ug mga matam-is nga lamian uyamut.
Didto sa silong nga sinalgan nakita ni Basilio si Sinang, hamubo gihapon ug tindog sama sa naila sa among mga magbabasa, bisan karon matambok ug malingin na ang iyang lawas sukad sa pagka-minyo niya. Ug sa dakung kahibulong nakita niya didto sa hawanan ang magbabaligya ug pahiyas nga si Simoun, tinaud gihapon ang iyang antiyohos nga bughaw ug dala gihapon ang pamayhon ug panglihok nga dili tinon-an; nakigsulosulti siya kang Kapitan Basilio, sa kura ug sa “alferez” sa “Guardia Civil.”
— Wala nay daghang sulti, ginoo Simoun, — miingon si Ka pitan Basilio; — mangadto kita sa Tiani aron paghiling sa imong mga alahas.
— Ako usab buut unta moadto, — matud pa sa “alferez” — kay nagkinahanglan ako ug usa ka talikala sa orasan, apan labihan ka daghan sa akong mga buhat. — Kon mosugot pa unta si Kapitan Basilio nga palihugon ko siya niana . . .
Si Kapitan Basilio nahinangop kaayo nga gipalihog ug sanglit naninguha man nga kahimut-an sa “alferez” aron dili niini hahasolon ang iyang mga sinuholan, wala siya modawat sa salapi nga buut gayud unta kouton sa “alferez” sa iyang bulsa.
— Pinaskohan mo kana!
— Dili ako motugot, Kapitan, dili ako motugot!
— Buyno, buyno Magahusay da ugaling kita unya! — matud pa ni Kapitan Basilio sa usa ka panglihok nga angayan uya mut.
Ang kura buut usab unta ug duroha ka paris nga ariyos ug nanugon sa Kapitan aron mopalit niadtong mga pahiyasa.
— Buut ako nianang mabuti, nianang maanindot gayud ka ayo. Magahusay da kita unya sa bayranan.
— Pasagdi lamang, Padre Kura — miingon si Kapitan Ba silio nga buut usab makigdait sa simbahan.
