This page has not been proofread.
2.
Flole no kanos binön panedälöl…
fa Petőfi Alexander.
Flole no kanos binön panedälöl
flolön in flolatim jönik okömöl;
jipul binof flolatim, löf binom flol,
mutof in flolatim löfön, ai lol!
Jilöfäbil! oli älogob, löfob,
leplekel lana jönik ola vedob –
lana jönik, kel smililom zadiko,
in lok logas olik, ag! milagiko!
In lad oba aivedom säk klänik:
li binob löfan ola e nek votik?
tiks at tel aiyagoms in ob okis,
äs in flukatim lefogs solastalis.
Ifna änoloböv, das lol magügik
ciga olik valädom kidi votik:
ini vol gletik, fagik ägoloböv,
u fa dol dibik, vö! ädeiloböv!
– 13 –
