This page has not been proofread.
3.
Jen ladas kil.
fa Petőfy Alexander.
I.
Älifom bütimo montial sembal,
ab kel no älabom fatäni su tal,
bi pops taelik omi äbekligoms,
ed in lunid glümik fila komipa
su om distukami lölik äbinoms.
Ed in lunid glümik fila komipa
ävedom ledik logod montiala,
äledikos i blud, keli lad oma
äspilom ofeno al sav fatäna.
Blud montiala vanliko äflumom;
äblibom, ab fatän omik ädisom.
Nenfatänikan bimalam evedom,
keli vienatep jekik deblekom,
e keli atos nu ini vol yagom.
Ven lefog, ag! äflitom us ove om,
kö mied fatäna pefälöl binom,
– 15 –
