This page has not been proofread.
E somiko dels jipula äflumoms,
e liäfi zadik su logod ofa
äpänoms dols nevenüdama püka;
bi kisi äkanof-la söle nidik
sagön, binöl, do lesäto liegik,
te feilelapalas jison balik? –
Ed inü zümöp nog yunel älödom,
yunel pöfik, mükik, dünan pöfikün,
kel uso in def gletikün älifom,
keli äfunomsöv vobs, tops jekikün,
if no äkanom-la sotimo logön
jipuli, kläniko aibestunöl,
lenlogod kela evedom geblinöl
stenüdi omik, klienik fegolön.
Dledom tikön begön löfi de jison
palas feilelik, vemo leigik,
om, kel kanom gälön, if ome blibom
fidadil sembal boda neluimik;
binom deno läbik, kotenik binom,
if jipuli de fag kopanön kanom.
II.
E plo montial düp gletik ätonom,
kel omi de lif al deil äpolom,
– 17 –
