This page has not been proofread.
Löfob-la fegolön: äs ton aidlemöl,
kel pemotöl fa hap, luti obefulom,
e kel lüvöl stinis, kobotonis jaföl,
gäliko säspidom, ed ali sil xänon
*
Äs lulit takedik leno ofegolol,
leno odepubol, äs stel nidik sila,
leno nefikulo odeilol äs flol,
leno lani ola odlinom stal sola!
Dido ofegolol, no letöl vegedi,
ab büfo misalöf nämis odistukom,
deilön stiliko pagivön te nati:
ag! lad mena pöfik diledo poblekom!
– 24 –
