This page has not been proofread.
Al maniföfam poedotas at egivom obe kodedami „fab rigalik“ söla Harrison J. Henry in St. Peterburg, patiädöl „Gok, dök e rab“, kel epubom in Volapük-Almanach yela 1889. söla Spielmann Sigmund. In fab at su flan 29. söl Harrison epenom: das „pük nulik (volapük) binom pöfudik, ab leno venudik, e musig e liäns poeda no lönoms ome“, e. l.
Ebinob ya züpel zilik volapüka; tikäl valüdik, keli ninlabom püdavobäd at plo menad lölik, edagleipom obi; e – do söl Harrison it äläsevom „pöfüdöfi“ püka e te ebedotom venudi oma – no ekonob letön sibinön leblami somik len döl löfäbik oba, nen mekön blüfi duinäla volapüka in dün de Apollo.
